യുഎഇയിൽ വിശ്വാസ വഞ്ചനയ്ക്ക് കടുത്ത ശിക്ഷ

അബുദാബി : യുഎഇയിൽ വിശ്വാസ വഞ്ചന നടത്തുന്നവർക്ക് കടുത്ത ശിക്ഷ നേരിടേണ്ടിവരുമെന്ന് പബ്ലിക് പ്രോസിക്യൂഷൻ . 2 വർഷം വരെ തടവും 20,000 ദിർഹം ( 4 ലക്ഷത്തിലേറെ രൂപ ) വരെ പിഴയുമാണ് ശിക്ഷ . കുറ്റം ആവർത്തിക്കുന്നവരെ ഒരു വർഷം കൂടുതൽ തടവ് അനുഭവിക്കേണ്ടി വരും. തെറ്റായ പേരോ തിരിച്ചറിയൽ രേഖയോ ഉപയോഗിച്ച് കബളിപ്പിക്കുക , പണം അപഹരിക്കുക , സ്ഥാവര , ജംഗമ വസ്തുക്കൾ വിനിയോഗിക്കുക എന്നിവയെല്ലാം ശിക്ഷാർഹമായ കുറ്റമാണ്.

കള്ളപ്പണം വെളുപ്പിക്കുക , തീവ്രവാദത്തിന് ധനസഹായം നൽകുഖ തുടങ്ങിയ പ്രവർത്തനങ്ങളിൽ ഏർപ്പെട്ട വ്യക്തികൾക്കും സ്ഥാപനങ്ങൾക്കുമെതിരെ യുഎഇ ശിക്ഷാ നടപടികൾ ശക്തമാക്കിയിരുന്നു . ഇതനുസരിച്ച് 20 വ്യക്തികൾക്കും 7 കമ്പനികൾക്കുമെതിരെട അടുത്തയിടെ നടപടി സ്വീകരിക്കുകയും ചെയ്തു . പ്രതികളിൽ നിന്ന് 2.26 കോടി ദിർഹം കണ്ടുകെട്ടി . 6 കോടി ദിർഹം പിഴ ചുമത്തുകയും ചെയ്തിരുന്നു