ചരിത്രമായി അര്‍ധരാത്രി ഹൈക്കോടതി സിറ്റിങ്; കൊറിയന്‍ ചരക്കു കപ്പല്‍ കൊച്ചി വിടുന്നത് തടഞ്ഞു

കൊ​ച്ചി: ഹൈ​കോ​ട​തി​യു​ടെ ച​രി​ത്ര​ത്തി​ലാ​ദ്യ​മാ​യി അ​ർ​ധ​രാ​ത്രി​യി​ൽ അ​ടി​യ​ന്ത​ര സി​റ്റി​ങ്​ ന​ട​ത്തി​ സിം​ഗി​ൾ ബെ​ഞ്ച്. സി​റ്റി​ങ്​ ന​ട​ത്തി കൊ​റി​യ​ൻ ച​ര​ക്കു​ക​പ്പ​ലാ​യ എം.​വി ഓ​ഷ്യ​ൻ റോ​സ് കൊ​ച്ചി തീ​രം വി​ടു​ന്ന​ത്​ ത​ട​ഞ്ഞു. ക​പ്പ​ലി​ൽ ഇ​ന്ധ​നം നി​റ​ച്ച വ​ക​യി​ൽ ര​ണ്ട​ര​ക്കോ​ടി​ രൂ​പ (3,26,043 ഡോ​ള​ർ) ല​ഭി​ക്കാ​നു​ണ്ടെ​ന്ന് കൊ​റി​യ​ൻ ക​മ്പ​നി ഗ്രേ​സ് യ​ങ്​ ഇ​ന്റ​ർ​നാ​ഷ​ന​ൽ ന​ൽ​കി​യ ഹ​ർജി​യി​ൽ ജ​സ്റ്റി​സ് ദേ​വ​ൻ രാ​മ​ച​ന്ദ്ര​ന്റെ ബെ​ഞ്ചാ​ണ് അ​സാ​ധാ​ര​ണ ഇ​ട​പെ​ട​ൽ ന​ട​ത്തി​യ​ത്. തി​ങ്ക​ളാ​ഴ്ച രാ​ത്രി 12.30നാ​ണ് ഹ​ർ​ജി പ​രി​ഗ​ണി​ച്ച് ഇ​ട​ക്കാ​ല ഉ​ത്ത​ര​വ്​ ന​ൽ​കി​യ​ത്.

കൊ​ച്ചി​ ഫാക്ടിലേ​ക്ക് സ​ൾ​ഫ്യൂ​റി​ക് ആ​സി​ഡു​മാ​യി തി​ങ്ക​ളാ​ഴ്ച വൈ​കീ​ട്ട് അ​ഞ്ച​ര​യോ​ടെ​യാ​ണ് ക​പ്പ​ൽ എ​ത്തി​യ​ത്. ചൊ​വ്വാ​ഴ്​​ച പുലർച്ചെ മ​ട​ങ്ങാ​നാ​യി​രു​ന്നു പ​ദ്ധ​തി. ക​പ്പ​ൽ കൊ​ച്ചി തു​റ​മു​ഖ​ത്തു​ണ്ടെ​ന്ന് ക​ണ്ടെ​ത്തി​യ ഇ​ന്ധ​ന വി​ത​ര​ണ ക​മ്പ​നി മാ​രി​ടൈം (സ​മു​ദ്ര നി​യ​മ​വു​മാ​യി ബ​ന്ധ​പ്പെ​ട്ട) കേ​സു​ക​ൾ കൈ​കാ​ര്യം ചെ​യ്യു​ന്ന അ​ഡ്വ. വി.​ജെ മാ​ത്യു​വി​നെ ബ​ന്ധ​പ്പെ​ട്ടു. മ​റ്റൊ​രു രാ​ജ്യ​ത്തെ ക​മ്പ​നി​ക​ൾ ത​മ്മി​ലെ ത​ർ​ക്ക​മാ​ണെ​ങ്കി​ലും ക​പ്പ​ൽ എ​വി​ടെ​യാ​ണോ ആ ​രാ​ജ്യ​ത്തെ കോ​ട​തി​യി​ൽ നി​യ​മ​ന​ട​പ​ടി​ സ്വീ​ക​രി​ക്കാ​ൻ അ​ന്താ​രാ​ഷ്ട്ര മാ​രി​ടൈം നി​യ​മ​ത്തി​ൽ വ്യ​വ​സ്ഥ​യു​ണ്ട്. ഇ​ത്​ ക​ണ​ക്കി​ലെ​ടു​ത്താ​ണ് കൊ​റി​യ​ൻ ക​മ്പ​നി കേ​ര​ള ഹൈ​കോ​ട​തി​യെ സ​മീ​പി​ച്ച​ത്.