യുഎഇ ചാന്ദ്രദൗത്യം; റാഷിദ് റോവർ ചന്ദ്രനിലേക്ക് കുതിച്ചു

ദുബായ്: അറബ്​ ലോകത്തെ ആദ്യ ചാന്ദ്ര ദൗത്യമായ റാഷിദ്​ റോവർ ചന്ദ്രനിലേക്ക് കുതിച്ചു. ഇന്ന് രാവിലെ 11.38ന്​ ഫ്ലോ​റി​ഡ​യി​ലെ കെ​ന്ന​ഡി സ്​​പേ​സ്​ സെ​ന്‍റ​റി​ൽ​ നിന്നാണ്​ റാഷിദ്​ റോവർ വിക്ഷേപിച്ചത്. 2023 ഏ​പ്രി​ലോ​ടെ​യാ​ണ്​ ദൗ​ത്യം പൂ​ർ​ത്തി​യാ​ക്കി റോ​വ​ർ ച​ന്ദ്ര​നി​ലെ​ത്തു​ക. ഐ ​സ്പേ​സ്​ നി​ർ​മി​ച്ച​ ‘ഹ​കു​ട്ടോ-​ആ​ർ മി​ഷ​ൻ-1’ എ​ന്ന ജാ​പ്പ​നീ​സ് ലാ​ൻ​ഡ​റി​ലാ​ണ്​ ‘റാ​ഷിദി’ന്‍റെ യാത്ര.

ദുബാ​യി​ലെ മു​ഹ​മ്മ​ദ്​ ബി​ൻ റാ​ശി​ദ്​ സ്​​പേ​സ്​ സെ​ന്‍റ​റി​ലെ എ​ൻ​ജി​നീ​യ​ർ​മാ​രാ​ണ്​ റാഷിദ് റോവർ നി​ർ​മി​ച്ച​ത്. യു.എ.ഇ വൈസ്​പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം വിക്ഷേപണത്തിന്‍റെ തത്സമയ വിവരങ്ങൾ അറിയാൻ സ്​​പേ​സ്​ സെന്‍റ​റിൽ എത്തിയിരുന്നു.

ചന്ദ്രനിലെ മണ്ണിന്റെ പ്രത്യേകതകൾ, പെട്രോഗ്രാഫി, ചന്ദ്രന്റെ ഭൂമിശാസ്ത്രം എന്നിവ പഠിക്കുക എന്ന ലക്ഷ്യത്തോടെയാണ് റാഷിദ് റോവർ വിക്ഷേപിക്കുന്നത്. പൊടി ചലനം, ഉപരിതല പ്ലാസ്മ അവസ്ഥകൾ, ലൂണാർ റെഗോലിത്ത് എന്നിവയുടെ ഫോട്ടോകളും എടുക്കും. ചന്ദ്രനിലെ പൊടിയും പാറകളും ചന്ദ്രനിലുടനീളം എങ്ങനെ വ്യത്യാസപ്പെടുന്നുവെന്ന് നന്നായി മനസ്സിലാക്കാൻ റാഷിദ് റോവർ ശാസ്ത്രജ്ഞരെ സഹായിക്കും.