അ​ടു​ത്ത​ സാമ്പത്തിക വ​ർ​ഷം 9000 കോ​ടി കൂടി കടമെടുക്കും; കി​ഫ്​​ബി​ക്ക്‌ വാ​യ്പയെടുക്കാൻ അനുമതിയുണ്ടെന്ന് ധനമന്ത്രി

തി​രു​വ​ന​ന്ത​പു​രം: അ​ടു​ത്ത​ സാമ്പത്തിക വ​ർ​ഷം 9000 കോ​ടി രൂ​പ വാ​യ്പ​ ഇനത്തി​ൽ കി​ഫ്​​ബി​ക്ക്​ ക​ണ്ടെ​ത്തേ​ണ്ടി​വ​രു​മെ​ന്ന്​ മ​ന്ത്രി കെ.​എൻ. ബാ​ല​ഗോ​പാ​ൽ. നി​ല​വി​ൽ 6959 കോ​ടി കി​ഫ്​​ബി​യു​ടെ കൈ​വ​ശ​മു​ണ്ട്. അ​നു​വ​ദി​ച്ച വാ​യ്പ​ക​ളി​ൽ 3632 കോ​ടി എ​ടു​ക്കാ​ൻ ബാ​ക്കി​യു​ണ്ടെ​ന്നും മ​ന്ത്രി വാ​ർ​ത്താ സ​മ്മേ​ള​ന​ത്തി​ൽ പ​റ​ഞ്ഞു.

21989.77 കോ​ടി രൂ​പ​യു​ടെ പ​ദ്ധ​തി​ക​ൾ ടെ​ൻ​ഡ​ർ ചെ​യ്തു. 546 പ​ദ്ധ​തി​ക​ളു​ടെ പ്ര​വൃ​ത്തി​ക​ൾ ആ​രം​ഭി​ക്കു​ക​യോ അ​വാ​ർ​ഡ് ചെ​യ്യ​പ്പെ​ടു​ക​യോ ചെ​യ്തു. 20054.74 കോ​ടി​യാ​ണ് ആ​രം​ഭി​ച്ച പ​ദ്ധ​തി​ക​ളു​ടെ ആ​കെ ക​രാ​ർ തു​ക.

ഇ​തി​ന് പുറ​മെ 22877.17 കോ​ടി​യു​ടെ ഏ​ഴ് ഭൂ​മി ഏ​റ്റെ​ടു​ക്ക​ൽ പ​ദ്ധ​തി​ക​ൾ​ക്കും അ​നു​മ​തി ന​ൽ​കി. പ​ണ​ത്തി​ന്റെ കു​റ​വു​മൂ​ലം ക​രാ​റു​കാ​ർ​ക്ക് കി​ഫ്ബി പ​ണം കൊ​ടു​ക്കാ​തി​രു​ന്നി​ട്ടി​ല്ലെ​ന്നും മ​ന്ത്രി പ​റ​ഞ്ഞു.

നി​ർ​മാ​ണ​വു​മാ​യി ബ​ന്ധ​പ്പെ​ട്ട് പ്ര​ശ്ന​ങ്ങ​ളു​ള്ള​തി​ലാ​ണ് പ​ണം കൊ​ടു​ക്കു​ന്ന​തി​ൽ ത​ട​സം നേ​രി​ടു​ന്ന​ത്. കി​ഫ്ബി ക​ട​മെ​ടു​പ്പ് അ​നു​വ​ദി​ക്കു​ന്ന​ത് സം​ബ​ന്ധി​ച്ച് കേ​ന്ദ്ര സ​ർ​ക്കാ​റി​ന് സം​സ്ഥാ​നം ക​ത്ത് ന​ൽ​കി​യി​ട്ടു​ണ്ട്.
പു​തി​യ ക​ട​മെ​ടു​പ്പ് സം​സ്ഥാ​ന സ​ർ​ക്കാ​റി​ന്‍റെ ക​ട​മെ​ടു​പ്പ് പ​രി​ധി​യെ ബാ​ധി​ക്കാ​ത്ത വി​ധ​മാ​ക​ണ​മെ​ന്നാ​ണ് കേ​ന്ദ്ര​ത്തോ​ട് ആ​വ​ശ്യ​പ്പെ​ട്ട​തെ​ന്നും അ​ദ്ദേ​ഹം പ​റ​ഞ്ഞു.