കൊച്ചി: തൃപ്പൂണിത്തുറ നിയമസഭാ തിരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ടുള്ള എം. സ്വരാജിന്റെ ഹര്ജിയില് ഹൈക്കോടതി വ്യാഴാഴ്ച വിധി പറയും. കഴിഞ്ഞ വര്ഷം മാര്ച്ചിലാണ് തൃപ്പൂണിത്തുറയില് കെ. ബാബുവിന്റെ നിയമസഭ തിരഞ്ഞെടുപ്പ് വിജയത്തിനെതിരെ എതിര് സ്ഥാനാര്ത്ഥി എം. സ്വരാജ് ഹൈക്കോടതിയില് ഹര്ജി നല്കിയത്.
മതഹചിഹ്നങ്ങള് ഉപയോഗിച്ച് ബാബു വോട്ടു ിടിച്ചെന്നാണ് ഹര്ജിയിലെ സ്വരാജിന്റെ വാദം. എല്ഡിഎഫ് സ്ഥാനാര്ഥിയായ എം സ്വരാജിനെതിരെ യുഡിഎഫ് സ്ഥാനാര്ഥി കെ. ബാബു 992 വോട്ടുകള്ക്കാണ് വിജയിച്ചത്.
ശബരിമല വിഷയത്തില് അയ്യപ്പന്റെ ചിത്രം വോട്ടേഴ്സ് സ്ലിപ്പില് ഉപയോഗിച്ചെന്ന് സ്വരാജ് ഹര്ജിയില് ചൂണ്ടിക്കാട്ടിയിരുന്നു. സംസ്ഥാനത്ത് എറ്റവും കൂടുതല് വാശിയേറിയ പോരാട്ടമായിരുന്നു കഴിഞ്ഞ നിയമസഭ തിരഞ്ഞെടുപ്പില് തൃപ്പൂണിത്തുറയില് നടന്നത്. ശബരിമല സ്ത്രീ പ്രവേശന വിഷയം ഉയര്ത്തി അയ്യപ്പനെ മുന്നിര്ത്തിയാണ് ബാബു പ്രചാരണം നയിച്ചതെന്ന് ചൂണ്ടിക്കാട്ടിയാണ് ഫലം വന്നതിന് തൊട്ട് പിന്നാലെ സ്വരാജ് ഹൈക്കോടതിയിലെത്തിയത്.
മതത്തെ ഉപയോഗിച്ച് പ്രചാരണം നടത്തിയത് ജനപ്രാതിനിധ്യ നിയമത്തിന്റെ ലംഘനമാണെന്നായിരുന്നു വാദം. പ്രചാരണ സാമഗ്രികളുടെ ചിത്രങ്ങള് അടക്കം തെളിവായി കോടതിയില് സമര്പ്പിച്ചിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26