ന്യൂസിലൻഡിൽ ശക്തമായ ഭൂകമ്പം; പരിഭ്രാന്തരായി ജനങ്ങൾ

വെല്ലിങ്ടൺ : ന്യൂസിലൻഡിൽ ശക്തമായ ഭൂചലനം. റിക്ടർ സ്കെയിലിൽ 5.7 തീവ്രത രേഖപ്പെടുത്തിയ ഭൂകമ്പം തലസ്ഥാന നഗരമായ വെല്ലിങ്ടണ്ണിന് സമീപം 33 കിലോമീറ്റർ ആഴത്തിലാണ് രേഖപ്പെടുത്തിയത്. സംഭവത്തിൽ ആളപായം റിപ്പോർട്ട് ചെയ്തിട്ടില്ല. മേഖലയിലുള്ള 37,000 പേർക്ക് ഭൂകമ്പത്തിന്റെ പ്രകമ്പനം അനുഭവപ്പെട്ടെന്നാണ് വിവരം.

പ്രാദേശിക സമയം ഒക്ടോബർ ആറിന് രാവിലെ അഞ്ച് മണിയോടെയാണ് ഭൂചലനമുണ്ടായത്. ഉറക്കത്തിലായിരുന്ന ജനങ്ങൾ പലരും പ്രകമ്പനം അറിഞ്ഞ് ഞെട്ടിയെഴുന്നേൽക്കുകയും പരിഭ്രാന്തരാവുകയും ചെയ്തു. വീടുകളിൽ നിന്ന് പുറത്തേക്കിറങ്ങി നിന്നാണ് ചിലർ ഭൂചലനത്തെ നേരിട്ടത്. എമർജൻസി നമ്പറുകളിൽ നിരവധി പേർ വിളിക്കുകയും ചെയ്തു.