തിരുവനന്തപുരം: ഡോക്ടര്മാരുടെ കുറിപ്പടിയില്ലാതെ മരുന്നുകള് നല്കരുതെന്ന് സംസ്ഥാനത്തെ മെഡിക്കല് ഷോപ്പുകള്ക്ക് ആഭ്യന്തര മന്ത്രി രമേശ് ചെന്നിത്തല നിര്ദേശം നല്കി. അത്തരം മെഡിക്കല് ഷോപ്പുകള്ക്കെതിരെ കര്ശന നടപടിയുണ്ടാകും. ആരോഗ്യ മന്ത്രിയുമായി ഇക്കാര്യം ചര്ച്ച ചെയ്യുമെന്നും രമേശ് ചെന്നിത്തല വ്യക്തമാക്കി. ഓപ്പറേഷന്
ചില മെഡിക്കല് ഷോപ്പുകളില് നിന്നും ഗുരുതരമായ രോഗങ്ങള്ക്കുള്ള മരുന്ന് ഡോക്ടറുടെ പ്രിസ്ക്രിപ്ഷനുകളില്ലാതെ കൊടുക്കുന്നതായി ശ്രദ്ധയില്പ്പെട്ടിട്ടുണ്ട്. ഇത്തരം മരുന്നുകള് ലഹരിക്കായി ചിലര് ഉപയോഗിച്ചു വരുന്നുണ്ട്. അത്തരമൊരു പ്രവണത ഒരു കാരണവശാലും അനുവദിക്കില്ല. ഇത്തരത്തില് മരുന്നുകള് നല്കുന്ന പ്രവണത തുടര്ന്നാല് മെഡിക്കല് ഷോപ്പുകള് കൂടി ഓപ്പറേഷന് തൂഫാന്റെ റഡാറിലേക്ക് കൊണ്ടുവരുമെന്നും ആഭ്യന്തര മന്ത്രി സൂചിപ്പിച്ചു.
ഓപ്പറേഷന് തൂഫാനിലൂടെ മയക്കുമരുന്ന് ലോബിയുടെ പത്തി തകര്ത്തിരിക്കുകയാണ്. കേരള പൊലീസ് വളരെ സ്തുത്യര്ഹമായ സേവനമാണ് നടത്തുന്നത്. മയക്കുമരുന്ന് ലോബി പല സ്ഥലങ്ങളിലും പൊലീസ് ഉദ്യോഗസ്ഥരെ ആക്രമിക്കുകയും മര്ദ്ദിക്കുകയുമൊക്കെ ചെയ്യുന്നുണ്ട്. അങ്ങനെ ചെയ്യുന്ന ആളുകള്ക്ക് നേരെ അതിശക്തമായ നടപടി കൈക്കൊള്ളുമെന്നും രമേശ് ചെന്നിത്തല വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.