തിരുവനന്തപുരം: ബഫര് സോണുമായി ബന്ധപ്പെട്ട വിവര ശേഖരണത്തിനും പരിശോധനക്കുമായി കേരളം വിദഗ്ധ സമിതി രൂപീകരിച്ചു. ജസ്റ്റിസ് തോട്ടത്തില് രാധാകൃഷ്ണനാണ് സമിതിയുടെ ചെയര്മാൻ. സുപ്രീം കോടതി നിര്ദ്ദേശ പ്രകാരമാണ് പുതിയ സമിതി രൂപീകരിച്ചത്.
വന്യജീവി സങ്കേതങ്ങളുടെയും ദേശീയോദ്യാനങ്ങളുടെയും ഒരു കിലോമീറ്റർ പരിധിയില് വരുന്ന സ്ഥാപനങ്ങള്, വീടുകള്, മറ്റ് നിര്മ്മാണങ്ങള് തുടങ്ങിയവ സംബന്ധിച്ച വിവരങ്ങള് ശേഖരിക്കുന്നതിനും ഫീല്ഡ് പരിശോധന നടത്തുന്നതുമാണ് വിദഗ്ധ സമിതിയുടെ ചുമതല. സമിതിയില് പരിസ്ഥിതി വകുപ്പിലെയും തദ്ദേശസ്വയം ഭരണ വകുപ്പിലെയും അഡീഷണല് ചീഫ് സെക്രട്ടറിമാരും വനം വകുപ്പ് പ്രിന്സിപ്പല് സെക്രട്ടറിയും മുന് വനം വകുപ്പ് മേധാവി ജയിംസ് വര്ഗീസും അംഗങ്ങളാണ്.