കോവിഡ് നിയന്ത്രണം ഭക്ഷണശാലകള്‍ക്ക് കൂടുതല്‍ ഇളവ്

അബുദാബി: കോവിഡ് സാഹചര്യത്തില്‍ ഹോട്ടലുകളിലെത്തി ഭക്ഷണം കഴിക്കുന്നതിന് ഏർപ്പെടുത്തിയ നിയന്ത്രണങ്ങളില്‍ കൂടുതല്‍ ഇളവ് നല്‍കി അബുദാബി എമിറേറ്റ്. ഒരു കുടുംബത്തിലെ എത്രപേർക്കു​ ​വേണമെങ്കിലും ഒന്നിച്ചിരുന്നു ഭക്ഷണം കഴിക്കാൻ അനുമതി നല്‍കി. ഭക്ഷണശാലകളിലെ മൊത്തം ശേഷിയുടെ 60 ശതമാനം പേരെ മാത്രമേ അകത്ത് പ്രവേശിപ്പിക്കാവൂ എന്ന നിയന്ത്രണത്തില്‍ മാറ്റമില്ല.

അടുത്ത മാസം മുതൽ  അബുദാബിയിലെ നിയന്ത്രണങ്ങളിൽ ഇളവ്​ നൽകുമെന്ന്​ അറിയിച്ചിട്ടുണ്ട്​. വിനോദ സഞ്ചാര മേഖലയിലേക്ക്​ കൂടുതൽ പേരെ ആകർഷിക്കുകയെന്നുളള ലക്ഷ്യത്തോടെയാണ് ഇളവുകള്‍ നല്‍കുന്നത്.