മണിക്കൂറുകൾക്കകം ജനലക്ഷങ്ങൾ‌ ഏറ്റെടുത്ത് 'ആഘോഷം' സിനിമയിലെ കരോൾ ​ഗാനം

കൊച്ചി: ക്രിസ്തുമസ് കരോൾ ദിനങ്ങൾക്ക് ആഘോഷമേകാൻ സ്റ്റീഫൻ ദേവസി സംഗീതം നൽകിയ 'ആഘോഷം' സിനിമയുടെ കരോൾ ഗാനത്തിന് ​ഗംഭീര വരവേൽപ്പ്. പുറത്തിറങ്ങി മണിക്കൂറുകൾക്കകം തന്നെ ഗാനം ഹിറ്റ് ചാർട്ടിൽ ഇടംപിടിച്ചു കഴിഞ്ഞു.

'ബെത്ലഹേമിലെ തൂമഞ്ഞ് രാത്രിയിൽ' എന്ന് തുടങ്ങുന്ന ഈ മനോഹര ഗാനത്തിന് വരികളെഴുതിയിരിക്കുന്നത് ഡോ. ലിസി കെ. ഫെർണാണ്ടസാണ്. സൂര്യ ശ്യാം ഗോപാലും സംഘവുമാണ് ഈ ഗാനം ആലപിച്ചിരിക്കുന്നത്. ആസ്വാദകരിൽ ക്രിസ്തുമസ് ഉണർവ് സമ്മാനിക്കുന്ന ഈ ഗാനം ഇതിനോടകം ഒരു ലക്ഷത്തിലധികം കാഴ്ചക്കാർ നേടി മുന്നേറുകയാണ്. ഈ ക്രിസ്തുമസ് സീസണിലെ ഏറ്റവും വലിയ കരോൾ ഹിറ്റായി 'ആഘോഷം' മാറുമെന്നാണ് പ്രതീക്ഷ.

ഗുഡ് വിൽ എന്റർടൈൻമെന്റ്സ് ചാനലിലൂടെ പുറത്തിറങ്ങിയ ഗാനം ഉണ്ണിയേശുവിന്റെ തിരുപ്പിറവിയുടെ സന്തോഷം നിറഞ്ഞ ദൃശ്യാവിഷ്കാരമാണ്. സ്റ്റീഫൻ ദേവസിയുടെ തനത് ശൈലിയിൽ ക്ലാസിക്കൽ ടച്ചോടെയാണ് ഗാനം ഒരുക്കിയിരിക്കുന്നത്.  മഞ്ഞു പെയ്യുന്ന ബെത്ലഹേമിലെ രാത്രി, കാലിത്തൊഴുത്തിൽ പിറന്ന രാജകുമാരൻ, സ്തുതിഗീതങ്ങൾ പാടുന്ന മാലാഖമാർ എന്നിവയെല്ലാം ഗാനത്തിൽ മനോഹരമായി ആവിഷ്കരിച്ചിട്ടുണ്ട്.

ക്യാമ്പസ് പശ്ചാത്തലത്തിൽ ഒരുക്കിയ ചിത്രത്തിൽ മികച്ച നാല് ഗാനങ്ങളാണുള്ളത്. സ്റ്റീഫൻ ദേവസി, ഗൗതം വിൻസെന്റ്, ഹരിനാരായണൻ, സന്തോഷ് വർമ്മ എന്നിവരാണ് ഗാനങ്ങൾക്ക് ഈണവും വരികളും നൽകിയിരിക്കുന്നത്. എം.ജി ശ്രീകുമാർ, വിനീത് ശ്രീനിവാസൻ, സൂര്യ ശ്യാംകുമാർ, ഷാൻ കെ ഫെർണാണ്ടസ് എന്നിവരും നിരവധി യുവഗായകരും ചേർന്നാണ് ഗാനങ്ങൾ ആലപിച്ചിട്ടുള്ളത്.

'Life is all about celebration' എന്ന ടാഗ്‌ലൈനോട് കൂടിയാണ് ചിത്രമെത്തുന്നത്. സി. എൻ ഗ്ലോബൽ മൂവീസിന്റെ ബാനറിൽ ഡോ. ലിസി കെ. ഫെർണാണ്ടസും ഡോ. പ്രിൻസ് പ്രോസി ഓസ്ട്രിയയും ടീമും ചേർന്നാണ് ചിത്രം നിർമ്മിക്കുന്നത്. അമൽ കെ ജോബിയാണ് ചിത്രം സംവിധാനം ചെയ്യുന്നത്.

വിജയ രാഘവൻ, നരേൻ, റോസ്മിൻ, ധ്യാൻ ശ്രീനിവാസൻ, ജെയ്സ് ജോസ്, ജോണി ആൻ്റണി, രൺജി പണിക്കർ, അജു വർഗീസ്, ബോബി കുര്യൻ, ഷാജു ശ്രീധർ, മഖ്ബൂൽ സൽമാൻ, കോട്ടയം രമേശ്, കൈലാഷ്, ദിവ്യദർശൻ, റുഷിൻ ഷാജി കൈലാസ്, നിഖിൽ രൺജി പണിക്കർ, വിജയ് നെല്ലിസ്, നാസർ ലത്തീഫ്, ഡിനി ഡാനിയേൽ, ടൈറ്റസ് ജോൺ, ജോയ് ജോൺ ആന്റണി, അഞ്ജലി ജോസഫ്, ജെൻസ് ജോസ് എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നുണ്ട്.

പശ്ചാത്തല സംഗീതം 4 മ്യൂസിക്. ഛായാഗ്രഹണം- റോജോ തോമസ്, എഡിറ്റിംഗ് -ഡോൺ മാക്സ്. ചീഫ് അസോസിയേറ്റ് ഡയറക്ടർ -അമൽദേവ് കെ.ആർ, പ്രൊജക്റ്റ് ഡിസൈനർ -ടൈറ്റസ് ജോൺ. പ്രൊഡക്ഷൻ കൺട്രോളർ- നന്ദു പൊതുവാൾ. കലാസംവിധാനം- രജീഷ് കെ സൂര്യ. മേക്കപ്പ്-മാളൂസ് കെ പി. കോസ്റ്റ്യൂം ഡിസൈൻ- ബബിഷ കെ. രാജേന്ദ്രൻ.

കൊറിയോഗ്രാഫേഴ്സ്- സനോജ് ഡെൽഗ ഡോസ്, അന്ന പ്രസാദ്, ശ്യാം ഡോക്. പ്രൊഡക്ഷൻ എക്സിക്യൂട്ടീവ്സ്- പ്രണവ് മോഹൻ, ആൻ്റണി കുട്ടമ്പുഴ. പിആർഒ- മഞ്ജു ഗോപിനാഥ്. സ്റ്റിൽസ് -ജയ്സൺ ഫോട്ടോലാൻ്റ്. ഡിസൈൻസ് -പ്രമേഷ് പ്രഭാകർ. പാലക്കാട് ചിത്രീകരണം പൂർത്തിയാക്കിയ ആഘോഷം ഉടൻ തിയേറ്ററുകളിൽ എത്തും.

ആഘോഷം സിനിമ ടീം ഇടിമണ്ണിക്കല്‍ ജ്വല്ലറി ഗോൾഡ് & ഡയമണ്ട്സുമായി സഹകരിച്ച് നടത്തുന്ന റീൽസ് മത്സരത്തിൽ പങ്കെടുക്കുന്നതിനുള്ള നിബന്ധനകൾ