ഒട്ടാവ: ന്യൂസിലന്‍ഡിലെ ഓക് ലാന്‍ഡില്‍ വെടിയുതിര്‍ത്തശേഷം കാറില്‍ രക്ഷപ്പെടാന്‍ ശ്രമിച്ച അക്രമി സംഘത്തെ പിന്തുടര്‍ന്ന് അതിസാഹസികമായി പോലീസ് പിടികൂടുന്നതിന്റെ വീഡിയോ വൈറലാകുന്നു. കാറില്‍ സഞ്ചരിച്ച അഞ്ചു പ്രതികളെ കസ്റ്റഡിയിലെടുത്തു. ഇന്നലെ ഉച്ചയ്ക്ക് 12.30-നാണ് സംഭവം. പാപ്പറ്റോടോയിലെ ഹില്‍സൈഡ് റോഡിലെ ഒരു സ്ഥലത്ത് വെടിവയ്പ്പ് നടന്നതായി പോലീസിന് വിവരം ലഭിച്ചു.
സംഭവസ്ഥലത്തു നിന്ന് രണ്ട് കാറുകളിലാണ് അക്രമികള്‍ രക്ഷപ്പെടാന്‍ ശ്രമിച്ചത്. അതിലൊന്നിനെ പോലീസിന്റെ ഈഗിള്‍ ഹെലികോപ്റ്റര്‍ സതേണ്‍ മോട്ടോര്‍വേയില്‍ സഞ്ചരിക്കുമ്പോള്‍ ട്രാക്ക് ചെയ്തു. അമിതവേഗത്തില്‍ റോഡിലൂടെ പാഞ്ഞ മെറൂണ്‍ സുബാരു ഫോറസ്റ്റര്‍ കാറിനെ പോലീസ് വാഹനങ്ങള്‍ പിന്തുടര്‍ന്ന് പിടികൂടുകയായിരുന്നു. ന്യൂസിലന്‍ഡ് പോലീസ് പുറത്തുവിട്ട ഈ ദൃശ്യങ്ങള്‍ നിമിഷനേരം കൊണ്ട് വൈറലായി. പല തവണ പോലീസ് വാഹനങ്ങള്‍ കാറിനെ പിന്തുടര്‍ന്ന് തടഞ്ഞുനിര്‍ത്തുന്നത് വീഡിയോയില്‍ കാണാം. മനുരേവയില്‍നിന്ന് ഇന്നലെ രാവിലെ മോഷ്ടിക്കപ്പെട്ട കാറാണിതെന്നാണ് പോലീസ് നിഗമനം. കാറിന്റെ ഉടമ ഇതു സംബന്ധിച്ച പരാതി നല്‍കിയിരുന്നു.
രണ്ടുപേര്‍ സംഭവസ്ഥലത്തുനിന്ന് ഓടിരക്ഷപ്പെടാന്‍ ശ്രമിച്ചെങ്കിലും സമീപത്ത് വച്ച് പിടികൂടി. രണ്ടാമത്തെ കാര്‍ ഓക്‌ലാന്‍ഡ് നഗരത്തില്‍ തടഞ്ഞു നിര്‍ത്തി ഡ്രൈവറെ കസ്റ്റഡിയിലെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.