മാർ കല്ലറങ്ങാട്ടിന്റെ ലേഖനം വളച്ചൊടിച്ച് - മാതൃഭൂമിയും മാധ്യമവും

കോട്ടയം :മാർ ജോസഫ് കല്ലറങ്ങാട്ട് ദീപിക ദിനപത്രത്തിൽ ഗാന്ധിജയന്തി ദിനത്തിൽ എഴുതിയ ലേഖനം വളച്ചൊടിച്ചുകൊണ്ടു മാതൃഭൂമിയും മാധ്യമവും റിപ്പോർട്ട് നൽകി. തു​റ​ന്നുപ​റ​യേ​ണ്ട​പ്പോ​ൾ നി​ശ​ബ്ദ​നാ​യി​രി​ക്ക​രു​ത് എന്ന തലക്കെട്ടിൽ എഴുതിയ ലേഖനത്തിൽ മാർ കല്ലറങ്ങാട്ട് ഇപ്രകാരം എഴുതുന്നു. “ മ​തേ​ത​ര വ​ഴി​യി​ലൂ​ടെ സ​ഞ്ച​രി​ച്ച് വ​ർ​ഗീ​യ കേ​ര​ള​ത്തി​ൽ നാം ​എ​ത്തി​പ്പെ​ടു​മോ എ​ന്ന​താ​ണ് ഇ​ന്നു നി​ല​നി​ല്ക്കു​ന്ന ആ​ശ​ങ്ക. മ​തേ​ത​ര​ത്വ​ത്തി​ന്‍റെയും പു​രോ​ഗ​മ​ന ചി​ന്ത​യു​ടെ​യും വെ​ളി​ച്ച​ത്തി​ൽ സ്വ​ന്തം സ​മു​ദാ​യ​ത്തെ ത​ള്ളി​പ്പ​റ​യ​ണ​മെ​ന്നാ​ണ് ചി​ല​ർ ശ​ഠി​ക്കു​ന്ന​ത്. സ​മു​ദാ​യ​ത്തെകാ​ർ​ന്നു തി​ന്നു​ന്ന തിന്മക​ളെ​ക്കു​റി​ച്ച് സം​സാ​രി​ക്കാ​ൻ പാ​ടി​ല്ല​ത്രേ! മ​തേ​ത​ര​ത്വംകൊ​ണ്ട് ആ​ർ​ക്കാ​ണ് ഗു​ണ​മെ​ന്ന ചോ​ദ്യം പ​ല കോ​ണു​ക​ളി​ൽനി​ന്നും ഉ​യ​രു​ന്നു.
സെ​ക്കു​ല​റി​സം എ​ങ്ങ​നെ​യാ​ണു തീ​വ്ര​വാ​ദ​ത്തി​നു ജന്മം ​ന​ൽ​കു​ന്ന​തെ​ന്നു പാ​ശ്ചാ​ത്യ​നാ​ടു​ക​ളി​ലെ യാ​ഥാ​സ്ഥി​തി​ക വം​ശീ​യ പ്ര​സ്ഥാ​ന​ങ്ങ​ളു​ടെ വ​ള​ർ​ച്ച​യി​ൽനി​ന്ന് നാം ​പ​ഠി​ക്ക​ണം. ഇ​ന്ത്യ​ൻ സെ​ക്കു​ല​റി​സ​ത്തെ അ​തി​ന്‍റെ ഉ​ദാ​ത്ത അ​ർ​ഥത്തി​ൽ എ​ല്ലാ​വ​രും സ്വീ​ക​രി​ക്കു​ന്നി​ല്ലെ​ങ്കി​ൽ ന​മ്മു​ടെ രാ​ജ്യ​ത്തി​ന്‍റെ സ്ഥി​തി​യും വ്യ​ത്യ​സ്ത​മാ​വി​ല്ല.”

“മ​തേ​ത​ര​ത്വംകൊ​ണ്ട് ആ​ർ​ക്കാ​ണ് ഗു​ണ​മെ​ന്ന ചോ​ദ്യം പ​ല കോ​ണു​ക​ളി​ൽനി​ന്നും ഉ​യ​രു​ന്നു” എന്ന് അദ്ദേഹം റിപ്പോർട്ടഡ് സ്പീച്ചിൽ പറഞ്ഞ കാര്യം അദ്ദേഹത്തിന്റെ പ്രസ്താവനയാക്കി വളച്ചൊടിച്ചാണ് മാതൃഭൂമിയും മാധ്യമവും തങ്ങളുടെ പത്രധർമ്മം നിർവഹിച്ചിരിക്കുന്നത്. പത്ര പ്രവർത്തകരുടെയും  പത്ര സ്ഥാപനങ്ങളുടെയും  മൂല്യച്യുതിക്ക്‌  ഒരു ഉദാഹരണമായി സോഷ്യൽ മീഡിയ ഇത്തരം റിപ്പോർട്ടുകളെ ചൂണ്ടികാണിക്കുന്നു. 

തിന്മക്കെ​തി​രേ ഒ​രു​മി​ച്ചു കൈ​കോ​ർ​ക്കു​ന്ന​തു​കൊ​ണ്ടു മ​ത​മൈ​ത്രി​യോ മ​നു​ഷ്യ​മൈ​ത്രി​യോ ത​ക​രി​ല്ല. ഭാ​ര​ത​ത്തി​ന് മ​തേ​ത​ര​ത്വം പ്രി​യ​ത​ര​മാ​ണ്. ക​പ​ട മ​തേ​ത​ര​ത്വം ഭാ​ര​ത​ത്തെ ന​ശി​പ്പി​ക്കും. ന​മ്മു​ടേ​ത് ഭ​ര​ണ​ഘ​ട​നാ​പ​ര​മാ​യ മ​തേ​ത​ര​ത്വ​മാ​ണ് എന്ന് അദ്ദേഹം ലേഖനത്തിലൂടെ വ്യക്തമാക്കുന്നു. കപട മതേതരത്വത്തിന്റെ മുഖം മൂടി വലിച്ചു കീറുന്ന ലേഖനം പല കോണുകളിലും ചലനങ്ങൾ ഉണ്ടാക്കുന്നതിന് തെളിവാണ്  ഇത്തരത്തിലുള്ള  വാർത്തകൾ.