ന്യൂഡല്‍ഹി: ഇന്ത്യയില്‍ ഭൂഗര്‍ഭജല ശോഷണം മൂര്‍ദ്ധന്യാവസ്ഥയോട് അടുത്തതായി പഠനം. യുണൈറ്റഡ് നേഷന്‍സ് യൂണിവേഴ്സിറ്റി, ഇന്‍സ്റ്റിറ്റ്യൂട്ട് ഫോര്‍ എന്‍വയോണ്‍മെന്റ് ആന്‍ഡ് ഹ്യൂമന്‍ സെക്യൂരിറ്റി പ്രസിദ്ധീകരിച്ച പുതിയ റിപ്പോര്‍ട്ടിലാണ് ഇക്കര്യം വ്യക്തമാക്കിയിരിക്കുന്നത്.
വംശനാശം, ഭൂഗര്‍ഭ ജലശോഷണം, പര്‍വത ഹിമാനികള്‍ ഉരുകല്‍, ബഹിരാകാശ അവശിഷ്ടങ്ങള്‍, അസഹനീയമായ ചൂട്, എന്നിങ്ങനെ ആറ് പാരിസ്ഥിതിക വിഷയങ്ങള്‍ പരിശോധിക്കുന്ന 'ഇന്റര്‍കണക്റ്റഡ് ഡിസാസ്റ്റര്‍ റിസ്‌ക് റിപ്പോര്‍ട്ട് 2023' റിപ്പോര്‍ട്ട് ലോകത്തെ വേഗത്തില്‍ ഇല്ലാതാകുന്ന 31 പ്രധാന ജലാശയങ്ങളില്‍
റിപ്പോര്‍ട്ട് അനുസരിച്ച് പഞ്ചാബിലെ 78 ശതമാനം കിണറുകളും അമിതമായി ചൂഷണം ചെയ്യപ്പെട്ടതായി കണക്കാക്കപ്പെടുന്നു. കൂടാതെ വടക്ക്-പടിഞ്ഞാറന്‍പ്രദേശത്താകെ 2025 ഓടെ ഭൂഗര്‍ഭജല ലഭ്യതയില്‍ വലിയ കുറവ് അനുഭവിക്കുമെന്നും മുന്നറിയിപ്പ് നല്‍കുന്നു.
പാരിസ്ഥിതിക സൂചനകള്‍ ഭൂമിയുടെ സംവിധാനങ്ങളിലെ നിര്‍ണായക പരിധികളാണ്. ഇത് ആവാസ വ്യവസ്ഥയിലും കാലാവസ്ഥാ രീതികളിലും പരിസ്ഥിതിയിലും അഗാധവും ചിലപ്പോള്‍ വിനാശകരവുമായ മാറ്റങ്ങളിലേക്ക് എത്തിക്കുമെന്നും റിപ്പോര്‍ട്ട് പറയുന്നു.
ലോകത്തെ പ്രധാന ജലസ്രോതസുകളില്‍ പകുതിയിലേറെയും പരിഹരിക്കാന്‍ കഴിയുന്നതിനേക്കാള്‍ വേഗത്തില്‍ ശോഷിച്ചു കൊണ്ടിരിക്കുകയാണ്. ആയിരക്കണക്കിന് വര്‍ഷങ്ങളായി ഭൂഗര്‍ഭ ജലം അടിഞ്ഞുകൂടുന്നതിനാല്‍, ഇത് അടിസ്ഥാനപരമായി പുനരുല്‍പ്പാദിപ്പിക്കാനാവാത്ത വിഭവമാണെന്ന് റിപ്പോര്‍ട്ട് പറയുന്നു.
ജലം നിലവിലുള്ള കിണറുകള്‍ക്ക് ലഭിക്കാന്‍ കഴിയുന്ന ഒരു ലെവലില്‍ താഴെയാകുമ്പോഴാണ് ടിപ്പിങ് പോയിന്റ് എത്തുന്നത്. ഒരിക്കല്‍ കടന്നാല്‍, കര്‍ഷകര്‍ക്ക് അവരുടെ വിളകള്‍ക്ക് നനയ്ക്കാന്‍ ഭൂഗര്‍ഭജലം ലഭിക്കില്ല. ഇത് കര്‍ഷകര്‍ക്ക് അവരുടെ ഉപജീവന മാര്‍ഗം നഷ്ടപ്പെടാനുള്ള സാധ്യത മാത്രമല്ല, ഭക്ഷ്യ അരക്ഷിതാവസ്ഥയിലേക്ക് നയിക്കുകയും മുഴുവന്‍ ഭക്ഷ്യ ഉല്‍പാദന സംവിധാനങ്ങള്‍ക്ക് തിരിച്ചടിയാകുകയും ചെയ്യുമെന്ന് റിപ്പോര്‍ട്ട് പറയുന്നു.
ലോകത്തിലെ ശുദ്ധജലത്തിന്റെ ഏകദേശം 30% ഭൂഗര്‍ഭജലമായി സംഭരിക്കുകയും നീരുറവകള്‍, തടാകങ്ങള്‍ അല്ലെങ്കില്‍ അരുവികള്‍ എന്നിവയിലൂടെ പുറത്തേക്ക് കൊണ്ടുവരികയും അല്ലെങ്കില്‍ ജലാശയത്തിലേക്ക് കുഴിച്ച കിണറുകളില്‍ നിന്ന് വേര്‍തിരിച്ചെടുക്കുകയും ചെയ്യുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.