കണ്ണൂര്: യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തിലിന്റെ അറസ്റ്റില് പ്രതിഷേധിച്ച് കണ്ണൂര് കളക്ടറേറ്റിലേക്ക് യൂത്ത് കോണ്ഗ്രസ് നടത്തിയ മാര്ച്ചില് സംഘര്ഷം. ബാരിക്കേഡ് മറികടക്കാന് ശ്രമിച്ച പ്രവര്ത്തകര്ക്കു നേര പൊലീസ് ജലപീരങ്കി പ്രയോഗിച്ചു.
പ്രവര്ത്തകരെയെല്ലാം പൊലീസ് അറസ്റ്റ് ചെയ്തു നീക്കി. ഇരുപക്ഷവും തമ്മിലുണ്ടായ ഏറ്റുമുട്ടലില് പ്രവര്ത്തകര്ക്കും പൊലീസിനും പരിക്കേറ്റിട്ടുണ്ട്. പരിക്കേറ്റവരെ വിവിധ ആശുപത്രികളിലേക്ക് മാറ്റി.
രാഹുലിന്റെ അറസ്റ്റില് പ്രതിഷേധിച്ച് കോട്ടയത്തും യൂത്ത് കോണ്ഗ്രസ് പ്രതിഷേധം നടന്നു. കോട്ടയം എസ്.പി ഓഫീസിലേക്കായിരുന്നു മാര്ച്ച് നടത്തിയത്. ബാരിക്കേഡ് മറിച്ചിടാനുമുള്ള ശ്രമം നടന്നു.പ്രതിഷേധ യോഗം തിരുവഞ്ചൂര് രാധാകൃഷ്ണന് ഉദ്ഘാടനം ചെയ്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26