രണ്ടാം പിണറായി സര്‍ക്കാരിന്‍റെ മൂന്നാം ബജറ്റ് ഇന്ന്; പ്രതീക്ഷയോടെ കേരളം

തി​രു​വ​ന​ന്ത​പു​രം: ധ​ന പ്ര​തി​സ​ന്ധി​ക്കിടെ സം​സ്ഥാ​ന സ​ർ​ക്കാ​റി​​ന്‍റെ 2024 - 25 വ​ർ​ഷ​ത്തേ​ക്കു​ള്ള ബ​ജ​റ്റ്​ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ ഇന്ന്​ അ​വ​ത​രി​പ്പി​ക്കും. അ​ധി​ക നി​കു​തി ബാ​ധ്യ​ത അ​ടി​​ച്ചേ​ൽ​പ്പി​ക്കാ​തെ സാ​ധ്യ​മാ​കു​ന്ന മേ​ഖ​ല​ക​ളി​ൽ ​നി​ന്ന്​ വ​രുമാ​ന വ​ർ​ധ​ന​ക്കു​ള്ള പ്ര​ഖ്യാ​പ​ന​ങ്ങ​ളാ​യി​രി​ക്കും ബ​ജ​റ്റി​ലു​ണ്ടാ​വു​ക. ക്ഷേമപെൻഷൻ വർധിപ്പിക്കുമോ എന്നതാണ് ഏവരും ഉറ്റുനോക്കുന്ന പ്രധാന ചോദ്യം. കടുത്ത ധനപ്രതിസന്ധി നിലനിൽക്കുന്നതുകൊണ്ട് അധിക വിഭവസമാഹരണത്തിന് വേണ്ടിയുള്ള പ്രഖ്യാപനങ്ങൾ ബജറ്റിലുണ്ടായേക്കും.

നി​കു​തി​യേ​ത​ര വി​ഭാ​ഗ​ത്തി​ൽ അ​ധി​ക വി​ഭ​വ​ങ്ങ​ൾ ശേ​ഖ​രി​ക്കു​ന്ന​തി​നു​ള്ള മാ​ർ​ഗ​ങ്ങ​ളും ശി​പാ​ർ​ശ​ക​ളും പ​ഠി​ക്കാ​ൻ സ​ർ​ക്കാ​ർ ഉ​ന്ന​ത​ത​ല പാ​ന​ലി​നും രൂ​പം​ന​ൽ​കി​യി​രു​ന്നു. ഇ​തെ​ല്ലാം ​ നി​കു​തി​യേ​ത​ര വ​രു​മാ​ന വ​ർ​ധ​ന​യി​ലേ​ക്കാ​ണ്​ വി​ര​ൽ​ചൂ​ണ്ടു​ന്ന​ത്. അ​ങ്ങ​നെ​യെ​ങ്കി​ൽ വി​വി​ധ സാ​മൂ​ഹി​ക സേ​വ​ന​ങ്ങ​ൾ​ക്കു​ള്ള ഫീ​സു​ക​ൾ ഉ​യ​ർ​ന്നേ​ക്കും. ഒ​പ്പം പി​ഴ​ക​ളി​ലും വ​ർ​ധ​ന​വ് വ​രാം.​ ലോ​ട്ട​റി​ക​ളു​ടെ സ​മ്മാ​ന​ത്തു​ക ഉ​യ​ർ​ത്തി​യു​ള്ള പ​രീ​ക്ഷ​ണ​ങ്ങ​ളും പ്ര​തീ​ക്ഷി​ക്കാം.

ക്ഷേമപെൻഷൻ കുടിശ്ശിക, വിലക്കയറ്റം, നികുതി വരുമാനത്തിലെ ഇടിവ്, കാർഷിക മേഖലയിലെ പ്രതിസന്ധി, ജീവനക്കാരുടെയും പെൻഷൻകാരുടെയും ഡി.എ കുടിശ്ശിക തുടങ്ങിയ വിഷയങ്ങളിൽ കുറഞ്ഞതോതിലെങ്കിലും ബജറ്റിൽ പരിഹാരമുണ്ടാകുമെന്നാണ് പ്രതീക്ഷിക്കുന്നത്. വമ്പൻ പ്രഖ്യാപനങ്ങളുണ്ടാകില്ലെന്ന് ധനമന്ത്രി കഴിഞ്ഞദിവസം വ്യക്തമാക്കിയിരുന്നു. ഇന്ധനസെസ് പിൻവലിക്കണമെന്ന് പ്രതിപക്ഷം ആവശ്യപ്പെട്ടിട്ടുണ്ടെങ്കിലും പ്രഖ്യാപനത്തിന് സാധ്യത കുറവാണ്.

ആ​ശു​പ​ത്രി​ക​ൾ, വെ​റ്റ​റി​ന​റി ആ​ശു​പ​ത്രി​ക​ൾ എ​ന്നി​വ​യി​ലെ ദാ​​രി​ദ്ര്യ​ രേ​ഖ​ക്ക്​ മു​ക​ളി​ലു​ള്ള​വ​ർ​ക്കു​ള്ള സേ​വ​ന നി​ര​ക്കു​ക​ൾ ഉ​യ​ർ​ന്നേ​ക്കു​മെ​ന്ന സൂ​ച​ന​ക​ളു​ണ്ട്. സ​ർ​ക്കാ​ർ ആ​ശു​പ​ത്രി​ക​ളി​ലെ ഒ.​പി ടി​ക്ക​റ്റ്​ നി​ര​ക്ക്, സേ​വ​ന​ങ്ങ​ൾ​ക്കു​ള്ള നി​ര​ക്ക്​ എ​ന്നി​വ പു​ന​ർ​നി​ർ​ണ​യി​ക്കു​ന്ന​തി​ന്​ സ​ർ​ക്കാ​ർ സ​മി​തി​യെ നി​യോ​ഗി​ച്ചി​രു​ന്നു.