സ്പീക്കറായി തിരഞ്ഞെടുത്ത ഓം ബിര്‍ളയെ പ്രധാനമന്ത്രി നരേന്ദ്ര മോഡിയും പ്രതിപക്ഷ നേതാവ് രാഹുല്‍ ഗാന്ധിയും അഭിനന്ദിക്കുന്നു.
ന്യൂഡല്‍ഹി:പതിനെട്ടാം ലോക്സഭയുടെ സ്പീക്കറായി ബിജെപി എം.പി ഓം ബിര്‍ളയെ ശബ്ദ വോട്ടോടെ തിരഞ്ഞെടുത്തു.
തുടര്‍ച്ചയായി രണ്ടാം തവണയാണ് ഓം ബിര്‍ള സ്പീക്കര്‍ പദവിയിലെത്തുന്നത്. പ്രതിപക്ഷം വോട്ടെടുപ്പ് ആവശ്യപ്പെടാത്തതിനാലാണ് ശബ്ദ വോട്ടെടുപ്പ് നടന്നത്. മാവേലിക്കര എംപി കൊടിക്കുന്നില്‍ സുരേഷായിരുന്നു ഇന്ത്യാ സഖ്യത്തിന്റെ സ്ഥാനാര്‍ഥി.
ഓം ബിര്‍ലയെ സ്പീക്കറാക്കണമെന്ന് പ്രധാനമന്ത്രി നരേന്ദ്ര മോഡി അവതരിപ്പിച്ച പ്രമേയത്തെ പ്രതിരോധ മന്ത്രി രാജ്‌നാഥ് സിങ് പിന്താങ്ങി. പിന്നീട് സഭ ശബ്ദ വോട്ടോടെ പാസാക്കി. ആദ്യ പ്രമേയം പാസായതിനാല്‍ മറ്റു പ്രമേയങ്ങള്‍ വോട്ടിന് പരിഗണിച്ചില്ല.
സ്പീക്കറായി തിരഞ്ഞെടുക്കപ്പെട്ട ഓം ബിര്‍ലയെ പ്രധാനമന്ത്രി നരേന്ദ്ര മോഡി, പ്രതിപക്ഷ നേതാവ് രാഹുല്‍ ഗാന്ധി, പാര്‍ലമെന്ററികാര്യ മന്ത്രി കിരണ്‍ റിജിജു എന്നിവര്‍ ചേര്‍ന്ന് ഇരിപ്പിടത്തിനടുത്തേക്ക് ആനയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.