കൊച്ചി: സാമൂഹ്യ തിന്മകളായ മദ്യത്തിനും മയക്കുമരുന്നിനും അഴിമതിക്കും എതിരായ പോരാട്ടത്തില്‍ സമൂഹം ഒറ്റക്കെട്ടായി മുന്നേറണമെന്ന് ശ്രേഷ്ഠ ബസേലിയോസ് ജോസഫ് കാതോലിക്കാ ബാവ. തിന്മയുടെ ശക്തികള്‍ക്കെതിരെ നന്മയുടെ ഉപാസകരാകാനുള്ള വിളിയാണ് ഈ കാലഘട്ടത്തില്‍ നാം ഓരോരുത്തരും സ്വീകരിക്കേണ്ടതെന്നും അദേഹം പറഞ്ഞു.
തിരുവാങ്കുളത്തെ കാതോലിക്കോസ് റസിഡന്‍ഷ്യസിയില്‍ ഭാരത കത്തോലിക്ക സഭയുടെ കുട്ടായ്മയായ ആക്‌സിന്റെ (അംബ്ലസി ഓഫ് ക്രിസ്റ്റ്യന്‍ ട്രസ്റ്റ് സര്‍വീസസ്) നേതൃത്വത്തില്‍ നടന്ന സ്വീകരണ ചടങ്ങില്‍ സംസാരിക്കുകയായിരുന്നു ശ്രേഷ്ഠ ബാവ.
പരസ്പരം പഴിചാരാതെ ലഹരിയുടെ ഭീകരവാഴ്ചക്കെതിരെ, അക്രമ വാസനകള്‍ക്കെതിരെ സന്ധിയില്ലാത്ത പോരാട്ടം തുടരണമെന്നും ബാവ കൂട്ടിച്ചേര്‍ത്തു. ശ്രേഷ്ഠ ബാവയ്ക്ക് ആശംസകളുമായി ശാന്തിഗിരി ആശ്രമം ജനറല്‍ സെക്രട്ടറി സ്വാമി ഗുരുരത്‌നം ജ്ഞാന തപസ്വിയും ക്രൈസ്തവ സഭ നേതാക്കളും തിരുവാങ്കുളത്തെ ക്യംതാ സെമിനാരി കാതോലിക്കോസ് റസിഡന്‍സിയില്‍ എത്തി.
ബാവയുടെ ഛായ ചിത്രം സ്വാമി ഗുരുരത്‌നം ജ്ഞാനതപസ്വിയും ബിഷപ്പ് ഡോ. ഉമ്മന്‍ ജോര്‍ജും, ജോര്‍ജ് സെബാസ്റ്റ്യനും ചേര്‍ന്ന് സമ്മാനിച്ചു. ക്രൈസ്തവ സഭകളുടെ കൂട്ടായ്മയായ ആക്‌സിന്റെ പ്രസിഡന്റ് ബിഷപ്പ് ഡോ. ഉമ്മന്‍ ജോര്‍ജ്, മറ്റ് ഭാരവാഹികളായ അഡ്വ. നോബിള്‍ മാത്യു, കുരുവിള മാത്യൂസ്, അഡ്വ. ചാര്‍ളി പോള്‍, അഡ്വ. ജോണി കെ.ജോണ്‍, സബീര്‍ തിരുമല എന്നിവര്‍ പങ്കെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.