ബാജ കാലിഫോർണിയ: കത്തോലിക്കാ ഭൂരിപക്ഷ രാജ്യമായ മെക്സിക്കോയിൽ വൈദികർക്ക് നേരെയുള്ള ആക്രമണങ്ങൾ തുടരുന്നു. ബാജ കാലിഫോർണിയ സംസ്ഥാനത്ത് ടിജുവാന അതിരൂപതയിലെ ഒരു വൈദികന് നേരെയാണ് കത്തിയാക്രമണം ഉണ്ടായത്. നവംബർ 26 ന് രാത്രിയിൽ നടന്ന ആക്രമണത്തിൽ പ്ലേയാസ് ഡി റൊസാരിറ്റോ മുനിസിപ്പാലിറ്റിയിലെ സാന്റിസിമോ സാക്രമെന്റോ ഇടവക വികാരി ഫാ. റോൾഡൻ അന്റോണിയോ സാഞ്ചസ് ഗാംബോവയ്ക്ക് ഗുരുതരമായി പരിക്കേറ്റു.
ടിജുവാന അതിരൂപതയുടെ അപ്പസ്തോലിക് അഡ്മിനിസ്ട്രേറ്ററായ മോൺസിഞ്ഞോർ മാരിയോ വില്ലാനുവേവ അരെല്ലാനോ ആക്രമണ വിവരം സ്ഥിരീകരിച്ചു. സമൂഹത്തിലെ വർധിച്ചു വരുന്ന അരക്ഷിതാവസ്ഥയുടെയും അക്രമത്തിന്റെയും വിപത്തിന് ഉദാഹരണമാണ് ഈ സംഭവമെന്ന് അദേഹം പ്രസ്താവനയിൽ അറിയിച്ചു. ഗുരുതരമായി പരിക്കേറ്റ വൈദികൻ ചികിത്സയിലാണ്.
ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് (IEP) റിപ്പോർട്ടുകൾ പ്രകാരം മെക്സിക്കോയിലെ 32 സംസ്ഥാനങ്ങളിൽ ഏറ്റവും കൂടുതൽ അക്രമ സംഭവങ്ങൾ നടക്കുന്ന നാലാമത്തെ സംസ്ഥാനമാണ് ബാജ കാലിഫോർണിയ.
ആഗോളതലത്തിൽ വൈദികർക്ക് നേരെ ഏറ്റവും അധികം ആക്രമണം നടക്കുന്ന രാജ്യമായി മെക്സിക്കോ തുടരുകയാണെന്ന് കാത്തലിക് മൾട്ടിമീഡിയ സെന്റർ നേരത്തെ വ്യക്തമാക്കിയിരുന്നു. കണക്കുകൾ പ്രകാരം 2018 നും 2024 നും ഇടയിലുള്ള ആറ് വർഷത്തിനിടെ 10 മെക്സിക്കൻ വൈദികരാണ് രാജ്യത്ത് കൊല്ലപ്പെട്ടത്. ഈ പശ്ചാത്തലത്തിൽ ഫാ. റോൾഡൻ അന്റോണിയോ സാഞ്ചസ് ഗാംബോവയ്ക്ക് നേരെയുണ്ടായ ആക്രമണം രാജ്യത്തെ ക്രമസമാധാന നിലയെക്കുറിച്ചുള്ള ആശങ്കകൾ വർധിപ്പിക്കുകയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.