തിരുവനന്തപുരം: നിലമ്പൂര് മുന് എംഎല്എയും തൃണമൂല് കോണ്ഗ്രസ് നേതാവുമായ പി.വി അന്വറും ജനാധിപത്യ രാഷ്ട്രീയ പാര്ട്ടി നേതാവ് സി.കെ ജാനുവും യുഡിഎഫില്. ഇരുവരെയും അസോസിയേറ്റ് അംഗങ്ങളാക്കാന് യുഡിഎഫ് യോഗത്തില് ധാരണയായി.
വരാനിരിക്കുന്ന നിയമസഭ തിരഞ്ഞെടുപ്പില് നേരത്തെ ഒരുങ്ങാനുള്ള തീരുമാനത്തിലാണ് യുഡിഎഫ്. ഇതിന് മുന്നോടിയായി മുന്നണി വിപുലീകരിച്ച് കൂടുതല് ശക്തമായി പ്രചാരണ രംഗത്തേയ്ക്ക് കടക്കുന്നതിന്റെ ഭാഗമായാണ് ഇരുവരെയും യുഡിഎഫില് എടുക്കാന് തീരുമാനിച്ചത്.
യുഡിഎഫ് പ്രവേശനം സംബന്ധിച്ച് കേരള കോണ്ഗ്രസ് എം നിലപാട് പറയട്ടെയെന്നും യോഗം വ്യക്തമാക്കി. അങ്ങോട്ട് പോയി ചര്ച്ചയില്ലെന്നാണ് തീരുമാനം. സീറ്റ് വിഭജനം ജനുവരിയില് പൂര്ത്തിയാക്കി നേരത്തെ തിരഞ്ഞെടുപ്പ് പ്രചാരണത്തിന് തുടക്കം കുറിയ്ക്കാനാണ് യോഗത്തിലുണ്ടായ ധാരണ.
ഓഗസ്റ്റിലാണ് സി.കെ ജാനുവിന്റെ നേതൃത്വത്തിലുള്ള ജനാധിപത്യ രാഷ്ട്രീയ പാര്ട്ടി എന്ഡിഎ വിട്ടത്. ബിജെപി നേതൃത്വം നല്കുന്ന എന്ഡിഎ മുന്നണിയില് അവഗണന നേരിടുന്നുവെന്ന് ആരോപിച്ചാണ് ജാനു മുന്നണി വിട്ടത്.
സിപിഎമ്മുമായുള്ള ബന്ധം ഉപേക്ഷിച്ച പി.വി അന്വര് തദ്ദേശ തിതരഞ്ഞെടുപ്പിന് മുന്പ് തന്നെ തൃണമൂല് കോണ്ഗ്രസിനെ അസോസിയേറ്റ് മെമ്പറാക്കി യുഡിഎഫ് പാളയത്തിലെത്തിക്കാനുള്ള ചര്ച്ചകള്ക്ക് തുടക്കമിട്ടിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.