ടെഹ്റാന്: അമേരിക്ക-ഇസ്രയേല് ആക്രമണങ്ങള്ക്കിടെ ഇറാനില് ഭൂകമ്പം. തെക്കന് ഇറാനിലെ ഗെരാഷ് മേഖലയില് 4.3 തീവ്രത രേഖപ്പെടുത്തിയ ഭൂകമ്പം ഉണ്ടാതായാണ് റിപ്പോര്ട്ട്. ഭൂകമ്പത്തില് കാര്യമായ നാശനഷ്ടങ്ങളോ ആളപായമോ റിപ്പോര്ട്ട് ചെയ്തിട്ടില്ല.
പത്ത് കിലോമീറ്റര് ആഴത്തിലുണ്ടായ ഭൂകമ്പത്തില് ആളപായമില്ലെന്ന് യുണൈറ്റഡ് സ്റ്റേറ്റ്സ് ജിയോളജിക്കല് സര്വേ വ്യക്തമാക്കി. മേഖലയില് രൂക്ഷമായ സംഘര്ഷം നിലനില്ക്കുന്നതിനിടെയാണ് ഭൂചലനം ഉണ്ടായത്. ഇറാനിയന് സൈനിക കേന്ദ്രങ്ങളെ ലക്ഷ്യമിട്ടുള്ള വ്യോമാക്രമണങ്ങള് ഈ മേഖലയില് ശക്തമാണ്.
അതേസമയം ടെഹ്റാനില് നിന്ന് 800 കിലോ മീറ്റര് തെക്കുകിഴക്കായി കെര്മന് വ്യോമതാവളത്തില് നടന്ന ആക്രമണത്തില് കുറഞ്ഞത് 13 ഇറാനിയന് സൈനികര് കൊല്ലപ്പെട്ടതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. സൈനിക ഹെലികോപ്റ്ററുകള് സ്ഥിതി ചെയ്യുന്ന താവളമാണ് ആക്രമണത്തിന്റെ ലക്ഷ്യമെന്ന് തസ്നിം വാര്ത്താ ഏജന്സി റിപ്പോര്ട്ട് ചെയ്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.