കോഴിക്കോട്: നിയമസഭാ തിരഞ്ഞെടുപ്പിലെ 25 മണ്ഡലങ്ങളിലും മലപ്പുറം ലോക്‌സഭാ മണ്ഡലത്തിലും മുസ്ലിം ലീഗ് സ്ഥാനാര്‍ഥികളെ പ്രഖ്യാപിച്ചു. 1996-ന് ശേഷം ഇതാദ്യമായി ഒരു വനിതാ സ്ഥാനാര്‍ഥി ലീഗ് പട്ടികയില്‍ ഇടംപിടിച്ചു. അബ്ദുസമദ് സമദാനിയാണ് മലപ്പുറം ലോക്സഭ സീറ്റ് ഉപതിരഞ്ഞെടുപ്പിലെ യുഡിഎഫ് സ്ഥാനാര്‍ഥി. ഒഴിവുവരുന്ന രാജ്യസഭാ സീറ്റില്‍ പി.വി അബ്ദുല്‍ വഹാബ് സ്ഥാനാര്‍ഥിയാകും.
കോഴിക്കോട് സൗത്തില്‍ മത്സരിക്കുന്ന നൂര്‍ബിന റഷീദാണ് ഏക വനിതാ സ്ഥാനാര്‍ഥി. 1996 ല്‍ പഴയ കോഴിക്കോട് രണ്ടാം മണ്ഡലത്തില്‍ വനിതാ ലീഗ് മുന്‍ അധ്യക്ഷ ഖമറുന്നീസ അന്‍വര്‍ മത്സരിച്ച ശേഷം ലീഗ് ഇതാദ്യമായാണ് വനിതയ്ക്ക് സ്ഥാനാര്‍ഥിത്വം നല്‍കുന്നത്. കുന്ദമംഗലത്ത് യുഡിഎഫ് സ്വതന്ത്രനായി കോണ്‍ഗ്രസ് നേതാവ് ദിനേശ് പെരുമണ്ണയുടെ സ്ഥാനാര്‍ഥിത്വം തികച്ചും അപ്രതീക്ഷിതമായിരുന്നു.
അഴിമതിക്കേസില്‍ പ്രതിയായ വി.കെ. ഇബ്രാഹിംകുഞ്ഞിനേയും നിക്ഷേപത്തട്ടിപ്പ് കേസില്‍ പ്രതിയായ എം.സി. കമറുദീനേയും ഒഴിവാക്കി. കളമശേരിയില്‍ ഇബ്രാഹിംകുഞ്ഞിനെ ഒഴിവാക്കി മകന്‍ വി.ഇ അബ്ദുള്‍ഗഫൂറിനെ സ്ഥാനാര്‍ഥിയാക്കി.
മൂന്ന് ടേം എന്ന നിബന്ധന പാലിച്ചാണ് സ്ഥാനാര്‍ഥി നിര്‍ണയം. ഇതില്‍ കുഞ്ഞാലിക്കുട്ടി, എം.കെ. മുനീര്‍, കെ.പി.എ. മജീദ് എന്നിവര്‍ക്ക് ഇളവ് നല്‍കിയിട്ടുണ്ട്.
മുന്‍ മന്ത്രി എം.കെ. മുനീര്‍ കോഴിക്കോട് സൗത്തില്‍ നിന്ന് മാറി ഇത്തവണ കൊടുവള്ളിയില്‍ മത്സരിക്കും. കഴിഞ്ഞ തവണ കൈവിട്ട താനൂര്‍ തിരിച്ചു പിടിക്കാന്‍ യൂത്ത് ലീഗ് നേതാവ് പി.കെ. ഫിറോസിനെയാണ് ലീഗ് കളത്തിലിറക്കിയത്. മഞ്ഞളാംകുഴി അലി പെരിന്തല്‍മണ്ണയില്‍നിന്ന് മാറി പഴയ തട്ടകമായ മങ്കടയില്‍ മത്സരിക്കും. പുനലൂര്‍, ചടയമംഗലം ഇതില്‍ ഏത് സീറ്റാണെന്ന് അറിഞ്ഞ ശേഷം സ്ഥാനാര്‍ഥിയെ പ്രഖ്യാപിക്കും. പേരാമ്പ്രയിലെ സ്ഥാനാര്‍ഥിയെയും പിന്നീട് തീരുമാനിക്കും.
സ്ഥാനാര്‍ഥി പട്ടിക ചുവടെ:
1.മഞ്ചേശ്വരം- എം.കെ.എം. അഷ്‌റഫ്
2.കാസര്‍കോട്- എന്‍.എ. നെല്ലിക്കുന്ന്
3.അഴീക്കോട്- കെ.എം ഷാജി
4.കൂത്തുപറമ്പ്- പൊട്ടന്‍ങ്കണ്ടിഅബ്ദുള്ള
5.കുറ്റ്യാടി- പാറക്കല്‍ അബ്ദുള്ള
6.കോഴിക്കോട് സൗത്ത്- നൂര്‍ബിന റഷീദ്
7.കുന്നമംഗലം- ദിനേശ് പെരുമണ്ണ
8.കൊടുവള്ളി- എം.കെ. മുനീര്‍
9.തിരുവമ്പാടി- സി.പി. ചെറിയമുഹമ്മദ്
10.കെണ്ടോട്ടി- ടി.വി. ഇബ്രാഹിം
11.ഏറനാട്- പി.കെ. ബഷീര്‍
12.മഞ്ചേരി- യു.എ. ലത്തീഫ്
13.പെരിന്തല്‍മണ്ണ- നജീബ് കാന്തപുരം
14.മങ്കട- മഞ്ഞളാംകുഴി അലി
15.മലപ്പുറം- പി. ഉബൈദുള്ള
16.വേങ്ങര- പി. കെ. കുഞ്ഞാലിക്കുട്ടി
17.വള്ളിക്കുന്ന്- അബ്ദുല്‍ ഹമീദ്
18.തിരൂരങ്ങാടി- കെ.പി.എ. മജീദ്
19.താനൂര്‍- പി. കെ. ഫിറോസ്
20.തിരൂര്‍- കുറുക്കോളി മൊയ്തീന്‍
21.കോട്ടയ്ക്കല്‍- ആബിദ് ഹുസൈന്‍ തങ്ങള്‍
22.മണ്ണാര്‍ക്കാട്- എന്‍. ഷംസുദ്ദീന്‍
23.ഗുരുവായൂര്‍- കെ.എന്‍.എ. ഖാദര്‍
24.കളമശ്ശേരി- വി.ഇ. അബ്ദുള്‍ ഗഫൂര്‍
25.കോങ്ങാട്- യു.സി. രാമന്‍.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.