കോട്ടയം: മെഡിക്കല്‍ കോളേജിലെ ആശുപത്രി മാലിന്യങ്ങള്‍ക്കിടയില്‍ പിഞ്ചു കുഞ്ഞിന്റെ മൃതദേഹം കണ്ടെത്തി. സംസ്‌കരിക്കനായി എറണാകുളത്തേക്ക് കൊണ്ടുപോയ മാലിന്യത്തിനിടയിലാണ് കുഞ്ഞിന്റെ മൃതദേഹം കണ്ടെത്തിയത്.
സംഭവത്തില്‍ പൊലീസ് അന്വേഷണം ആരംഭിച്ചു. എറണാകുളത്തെ മാലിന്യ സംസ്‌കരണ പ്ലാന്റില്‍ വെച്ചാണ് മാലിന്യങ്ങള്‍ക്കിടയിലെ മൃതദേഹം കണ്ടെത്തിയത്. ആശുപത്രിയില്‍ എത്തിയ പ്ലാസ്റ്റിക് മാലിന്യങ്ങള്‍ ജീവനക്കാര്‍ ചേര്‍ന്ന് വേര്‍തിരിക്കുകയായിരുന്നു. ഇതിനിടെയാണ് മൃതദേഹം കണ്ടെത്തിയത്. ഉടനെ വിവരം പൊലീസിനെ അറിയിക്കുകയായിരുന്നു.
കുഞ്ഞിന്റെ തലയില്‍ നിറയെ മുടിയുണ്ട്. ജനിച്ച്‌ ദിവസങ്ങള്‍ മാത്രം പ്രായമായ കുഞ്ഞിന്റെ ശരീരമാണ് കണ്ടത്. കവറില്‍കെട്ടിയ നിലയില്‍ ആയിരുന്നു മൃതദേഹം. പുറമേ നിന്ന് ആരെങ്കിലും കുഞ്ഞിന്റെ മൃതദേഹം കൊണ്ടിട്ടതാകാമെന്നാണ് സംശയിക്കുന്നത്.
സംഭവത്തില്‍ ആശുപത്രിയും അന്വേഷണം പ്രഖ്യാപിച്ചു. മെഡിക്കല്‍ കോളജ് ആശുപത്രിയില്‍ നിന്ന് ഇത്തരത്തില്‍ വളര്‍ച്ചയെത്തിയ കുഞ്ഞിന്റെ മൃതദേഹം സംസ്‌കരിക്കുന്നതിനായി അയച്ചിട്ടില്ലെന്ന് അധികൃതര്‍ പറയുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.