ര​ക്ത​സാ​ക്ഷി​യെ ഉ​ണ്ടാ​ക്കാൻ സി​പി​എം ശ്ര​മി​ക്കു​ന്നു; രാഹു​ല്‍ ഗാ​ന്ധി​യു​ടെ ഓ​ഫീ​സ് ആ​ക്ര​മി​ച്ച​ത് മു​ഖ്യ​മ​ന്ത്രി​യുടെ അറിവോടെയെന്ന് പ്ര​തി​പ​ക്ഷ നേതാവ്

വ​യ​നാ​ട്: കോണ്‍ഗ്രസ് നേതാവ് രാ​ഹു​ല്‍ ഗാ​ന്ധി​യു​ടെ വയനാട്ടിലെ ഓ​ഫീ​സ് ആ​ക്ര​മി​ച്ച​ സംഭവത്തില്‍ മുഖ്യമന്ത്രിക്കെതിരെ രൂക്ഷ വിമര്‍ശനവുമായി പ്ര​തി​പ​ക്ഷ നേതാവ് വി.​ഡി സ​തീ​ശ​ന്‍.

'മു​ഖ്യ​മ​ന്ത്രി​ ആ​സൂ​ത്ര​ണം ചെ​യ്ത​താ​ണ് ആ​ക്ര​മ​ണ​മെ​ന്ന് സ​തീ​ശ​ന്‍ ആ​രോ​പി​ച്ചു. രാ​ഹു​ല്‍ ഗാ​ന്ധി​യെ മോ​ഡി സ​ര്‍​ക്കാ​ര്‍ വേ​ട്ട​യാ​ടു​ക​യാ​ണ്. ആ ​മോ​ഡി സ​ര്‍​ക്കാ​രി​നെ സ​ന്തോ​ഷി​പ്പി​ക്കാ​ന്‍ വേ​ണ്ടി ചെ​യ്ത​താ​ണ്. അ​വ​രു​ടെ പ്രീ​തി​ക്കു വേ​ണ്ടി​യാ​ണ് ഇ​ത് ചെ​യ്ത​ത്. സം​സ്ഥാ​ന​ത്ത് ഒ​രു ക​ലാ​പ ആ​ഹ്വാ​ന​മാ​ണ് ഇ​തെ​ന്നും' സ​തീ​ശ​ന്‍ പ​റ​ഞ്ഞു.

എ​സ്‌എ​ഫ്‌​ഐ ഇ​ത്ത​ര​ത്തി​ല്‍ പ്ര​ക​ട​നം ന​ട​ത്തു​ന്നു​ണ്ടെ​ന്നു ഡി​സി​സി ഓ​ഫീ​സി​ല്‍​നി​ന്ന് പോ​ലീ​സി​നെ നേ​ര​ത്തെ​ത​ന്നെ അ​റി​യി​ച്ചി​രു​ന്നു. എ​ന്നി​ട്ടും ന​ട​പ​ടി​യു​ണ്ടാ​യി​ല്ല. മു​ഖ്യ​മ​ന്ത്രി​യു​ടെ വീ​ട്ടി​ലേ​ക്ക് ത​ങ്ങ​ള്‍ മാ​ര്‍​ച്ച്‌ വ​ച്ചാ​ല്‍ പ്ര​വ​ര്‍​ത്ത​ക​ര്‍​ക്ക് ഇ​തു​പോ​ലെ മു​ഖ്യ​മ​ന്ത്രി​യു​ടെ വീ​ട്ടി​ക​യ​റാ​ന്‍ സാ​ധി​ക്കു​മോ എ​ന്നും സ​തീ​ശ​ന്‍ ചോ​ദി​ച്ചു.

'സം​സ്ഥാ​ന​ത്ത് ര​ക്ത​സാ​ക്ഷി​യെ ഉ​ണ്ടാ​ക്കാ​നാ​ണ് സി​പി​എം ശ്ര​മി​ക്കു​ന്ന​ത്. ഇ​വ​ര്‍​ക്കാ​യി കൊ​ടി​പി​ടി​ച്ചു ന​ട​ക്കു​ന്ന​വ​രോ​ട് പ​റ​യാ​നു​ള്ള​ത് സ്വ​ന്തം നേ​താ​ക്ക​ന്‍​മാ​ര്‍ ത​ന്നെ നി​ങ്ങ​ളെ വെ​ള്ള പു​ത​പ്പി​ച്ച്‌ കി​ട​ത്തു​ന്ന സാ​ഹ​ച​ര്യം ഉ​ണ്ടാ​ക്ക​രു​ത്. സം​ഭ​വ​ത്തി​ല്‍ ക​ണ്ണി​ല്‍ പൊ​ടി​യി​ടാ​ന്‍ വേ​ണ്ടി മാ​ത്ര​മു​ള്ള ന​ട​പ​ടി​ക​ളാ​ണ് ഉ​ണ്ടാ​യ​തെ​ന്നും' പ്ര​തി​പ​ക്ഷ നേതാവ് കു​റ്റ​പ്പെ​ടു​ത്തി.