കൊച്ചി: ഫോര്‍ട്ടു കൊച്ചിയില്‍ വന്‍ മയക്കുമരുന്നു വേട്ട. ഹാഷിഷ് ഓയില്‍, എല്‍എസ്ഡി സ്റ്റാബ്, എംഡിഎംഎ എന്നിവയുമായി ആറു പേരെ പൊലീസ് പിടികൂടി. ഫോര്‍ട്ട് കൊച്ചി പൊലീസാണ് പ്രതികളെ പിടികൂടിയത്.
16 എല്‍എസ്ഡി സ്റ്റാമ്പുകള്‍, നാല് മില്ലി വീതമുള്ള 20 ബോട്ടില്‍ ഹാഷിഷ് ഓയില്‍, അഞ്ച് ഗ്രാം എംഡിഎംഎ എന്നിവയാണ് യുവാക്കളില്‍ നിന്നും പിടിച്ചെടുത്തത്.
ഫോര്‍ട്ടു കൊച്ചി കേന്ദ്രീകരിച്ച് വിനോദ സഞ്ചാരികള്‍ക്കും യുവാക്കള്‍ക്കും വലിയ രീതിയില്‍ മയക്കുമരുന്ന് വിതരണം ചെയ്യുന്ന ഒരു സംഘം പ്രവര്‍ത്തിക്കുന്നുണ്ടെന്ന് പൊലീസിന് വിവരം ലഭിച്ചിരുന്നു. ഈ വിവരത്തിന്റെ അടിസ്ഥാനത്തില്‍ നടത്തിയ തിരച്ചിലിലാണ് സംഘം പിടിയിലായത്.
അതേസമയം മയക്കുമരുന്ന് സംഘത്തിലെ കൂടുതല്‍ പേര്‍ ഇനിയും അറസ്റ്റിലാകാനുണ്ടെന്ന് പൊലീസ് അറിയിച്ചു. മട്ടാഞ്ചേരി എസിപിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. സംഭവത്തില്‍ പൊലീസ് അന്വേഷണം ഊര്‍ജിതമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.