ഇത്തിഹാദ് റെയിലിലെ ആദ്യ കടല്‍ പാലം പ്രവർത്തന സജ്ജമായി

അബുദാബി: യുഎഇയുടെ ഇത്തിഹാദ് റെയില്‍ പദ്ധതിയുടെ ഭാഗമായി നിർമ്മിച്ച ആദ്യ കടല്‍പാലം പ്രവർത്തന സജ്ജമായി. ഖലീഫ തുറമുഖത്തെ ഇത്തിഹാദ് റെയിലിന്‍റെ പ്രധാനപാതയുമായി ബന്ധിപ്പിക്കുന്നതാണ് പാലം. 4,000 ട​ണ്ണി​ല​ധി​കം സ്റ്റീ​ൽ, ഏ​ക​ദേ​ശം 18,300 ക്യു​ബി​ക് മീ​റ്റ​ർ കോ​ൺ​ക്രീ​റ്റ്, 100 പ്ര​ത്യേ​ക ബീ​മു​ക​ൾ എ​ന്നി​വ ഉ​പ​യോ​ഗി​ച്ചാ​ണ്​ പാ​ലം നി​ർമ്മാണം പൂർത്തിയാക്കിയത്.

കടലിലെ സവിശേഷതകളെല്ലാം പഠനവിധേയമാക്കിയാണ് പാലം നിർമ്മിച്ചത്. 320 ലധികം പേർ 10 ലക്ഷത്തിലധികം മണിക്കൂറുകള്‍ സമയം ചെലവഴിച്ചാണ് നിർമ്മാണം പൂർത്തിയാക്കിയത്. 120 വ‍ർഷത്തെ ആയുസാണ് പ്രവചിക്കുന്നത്. 69 വാ​ഗ​ണു​ക​ളു​ള്ള 1.2 കി.​മീ. വ​രെ നീ​ളു​ന്ന ട്രെ​യി​നു​ക​ൾ പാ​ത​യി​ലൂ​ടെ സ​ഞ്ച​രി​ക്കു​ന്ന​ത്​ കാ​ണാ​നാകുമെന്ന് ഇ​ത്തി​ഹാ​ദ് റെ​യി​ൽ എ​ൻ​ജി​നീ​യ​റിംഗ് ഡ​യ​റ​ക്ട​ർ അ​ഡ്രി​യാ​ൻ വോ​ൾ​ഹൂ​ട്ട​ർ പറഞ്ഞു.

അന്താരാഷ്ട്ര നിലവാരത്തിലാണ് പാലത്തിന്‍റെ നിർമ്മാണം പൂർത്തിയാക്കിയതെന്നും അദ്ദേഹം വ്യക്തമാക്കി. സൗദി- യുഎഇ അതിർത്തി മുതല്‍ ഒമാന്‍ അതിത്തി വരെ 1200 കിലോമീറ്റർ നീളത്തിലുളളതാണ് ഇത്തിഹാദ് റെയില്‍. നിർമ്മാണം 75 ശതമാനവും പൂർത്തിയായി.

ആദ്യഘട്ടത്തില്‍ ചരക്ക് നീക്കമാണ് ലക്ഷ്യം. എങ്കിലും 2024 അവസാനമാകുമ്പോഴേക്കും ഇത്തിഹാദ് റെയിലിലൂടെ ആളുകളെയും വഹിച്ചുകൊണ്ടുളള യാത്രതീവണ്ടികളും ഓടിത്തുടങ്ങുമെന്നാണ് പ്രതീക്ഷ.