സിനിമകള്‍ സൗജന്യമായി കാണാന്‍ എക്സ്പോ സിറ്റിയിലേക്ക് പോകാം

ദുബായ്:ദുബായിലെ എക്‌സ്‌പോ സിറ്റി കൂറ്റൻ സ്‌ക്രീനിൽ ഓപ്പൺ സ്പേസിലിരുന്ന് സിനിമകൾ സൗജന്യമായി കാണാം.ഈ വാരാന്ത്യത്തിൽ ദുബായിലെ എക്‌സ്‌പോ സിറ്റി ജൂബിലി പാർക്കിലെ ഭീമാകാരമായ സ്‌ക്രീനിൽ സിനിമകൾ പ്രദർശിപ്പിക്കും . ആദ്യം വരുന്നവർക്ക് ആദ്യം എന്ന അടിസ്ഥാനത്തിലാണ് പ്രവേശനം

ഓപ്പൺ സ്പേസിൽ കൂറ്റൻ സ്‌ക്രീനിനിന് മുന്നിൽ ഒരു വലിയ പുൽത്തകിടിയിലായി 500-ലധികം ഇരിപ്പിട ബാഗുകളും 6 അടിയോളം വലിപ്പമുള്ളതും ആറ് സന്ദർശകരെ ഉൾക്കൊള്ളാൻ കഴിയുന്ന 50 ടേബിളുകളും ഉണ്ടാകും. സന്ദർശകർക്ക് അവരുടെ പിക്നിക് കസേരകളും പുതപ്പുകളും ആസ്വദിക്കാം.പ്രത്യേക സ്‌ക്രീനിങ്ങിൽ കുട്ടികൾക്കായുള്ള സിനിമകൾ പ്രദർശിപ്പിക്കും.

ഫെബ്രുവരി 10 വെള്ളിയാഴ്ച മുതൽ ഫെബ്രുവരി 12 ഞായർ വരെ ഷെഡ്യൂൾ ചെയ്തിരിക്കുന്ന ദിവസങ്ങളിൽ പോപ്‌കോൺ, നാച്ചോസ് എന്നിവയും അതിലേറെയും സ്‌നാക്ക്‌സ് ലഭ്യമാകും. ദിവസവും രണ്ട് സിനിമകൾ പ്രദർശിപ്പിക്കും. താഴെ പറയുന്ന പ്രകാരമാണ് സിനിമകൾ പ്രദർശിപ്പിക്കുക.ഫെബ്രുവരി 10 വെള്ളിയാഴ്ച: ടോയ് സ്റ്റോറി 1, സമയം – 6.30; ബ്ലാക്ക് പാന്തർ, സമയം – രാത്രി 8.30.ഫെബ്രുവരി 11 ശനിയാഴ്ച: ഫൈൻഡിംഗ് നെമോ, സമയം – വൈകുന്നേരം 6.30; ബ്ലാക്ക് പാന്തർ വക്കണ്ട ഫോറെവർ, സമയം – രാത്രി 8.30..ഫെബ്രുവരി 12 ഞായറാഴ്ച: ലൂക്ക, സമയം – വൈകുന്നേരം 6.30; ജൂലി ആൻഡ് ജൂലിയ, സമയം – രാത്രി 8.30.