ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധി ദക്ഷിണ ഡല്‍ഹിയിലെ നിസാമുദ്ദീന്‍ ഈസ്റ്റ് ബി2 ഏരിയയിലേക്ക് മാറുന്നു. ഡല്‍ഹി മുന്‍ മുഖ്യമന്ത്രി ഷീലാ ദീക്ഷിത് തന്റെ അവസാനകാലം ചെലവഴിച്ച മൂന്ന് ബിഎച്ച്കെ വീട്ടിലേക്കാകും രാഹുല്‍ മാറുക. എംപി സ്ഥാനത്ത് നിന്ന് അയോഗ്യനാക്കപ്പെട്ടതിനെ തുടര്‍ന്ന് രാഹുല്‍ ഗാന്ധിക്ക് തന്റെ ഔദ്യോഗിക ബംഗ്ലാവ് ഒഴിയേണ്ടി വന്നിരുന്നു.
1991 മുതല്‍ 1998 വരെയാണ് ഷീല ദീക്ഷിത് ഈ വീട്ടില്‍ താമസിച്ചത്. പിന്നീട് താമസം മാറിയെങ്കിലും 2015ന് ശേഷം അവര്‍ വീണ്ടും അതേ വീട്ടിലേക്ക് മടങ്ങിയെത്തി. അടുത്തിടെ ഷീല ദീക്ഷിത്തിന്റെ മകന്‍ സന്ദീപ് ദീക്ഷിത് തന്റെ താമസം അതേ പ്രദേശത്തെ എ5 ലേക്ക് മാറ്റിയതായി റിപ്പോര്‍ട്ടുകളുണ്ടായിരുന്നു,
2019-ലെ മാനനഷ്ടക്കേസില്‍ ശിക്ഷിക്കപ്പെട്ടതിനെ തുടര്‍ന്ന് ഈ വര്‍ഷം മാര്‍ച്ചിലാണ് ലോക്‌സഭയില്‍ നിന്ന് രാഹുല്‍ അയോഗ്യനാക്കപ്പെട്ടത്. പിന്നാലെ ഏപ്രില്‍ 22 ന് അദ്ദേഹം തന്റെ ഔദ്യോഗിക ബംഗ്ലാവ് ഒഴിഞ്ഞു. തുടര്‍ന്ന് താത്കാലികമായി അമ്മ സോണിയാ ഗാന്ധിയോടൊപ്പം താമസിക്കുകയായിരുന്നു. ഇതിനിടെ ഡല്‍ഹി ഉള്‍പ്പെടെ രാജ്യത്തുടനീളമുള്ള സ്ഥലങ്ങളിലെ നൂറുകണക്കിന് കോണ്‍ഗ്രസ് പ്രവര്‍ത്തകരും നേതാക്കളും രാഹുലിന് താമസിക്കാന്‍ വീടുകള്‍ വാഗ്ദാനം ചെയ്ത് രംഗത്ത് വന്നിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.