ബ്രസല്‍സ്: തൊഴില്‍ സാഹചര്യങ്ങളെ ചൊല്ലിയുള്ള തര്‍ക്കത്തില്‍ ബെല്‍ജിയത്തില്‍ റയാന്‍ എയര്‍ പൈലറ്റുമാരുടെ പണിമുടക്കിനെ തുടര്‍ന്ന് വിമാനങ്ങള്‍ റദ്ദാക്കി. ഈ വാരാന്ത്യത്തില്‍ ചാര്‍ലെറോയിയിലേക്കും തിരിച്ചുമുള്ള നൂറോളം വിമാനങ്ങളാണ് റദ്ദാക്കിയത്.
റദ്ദാക്കിയവയില്‍ ഭൂരിഭാഗവും സ്‌പെയിന്‍, പോര്‍ച്ചുഗല്‍, ഫ്രാന്‍സ്, ഇറ്റലി എന്നിവിടങ്ങളിലേക്കാലാണ്. വിമാനങ്ങളുടെ റദ്ദാക്കല്‍ 17,000ത്തോളം വ്യാവസായികളെ ബാധിച്ചതായാണ് കണക്ക്. പണിമുടക്കുന്നതിന് പകരം ചര്‍ച്ചകള്‍ നടത്താന്‍ പൈലറ്റുമാരോട് റയാന്‍ എയര്‍ മുമ്പ് ആവശ്യപ്പെട്ടിരുന്നു.
കൊവിഡ് 19 പാന്‍ഡെമിക് സമയത്ത് വെട്ടിക്കുറച്ച ശമ്പളം പുനസ്ഥാപിക്കണമെന്ന് ഐറിഷ് ലോ-കോസ്റ്റ് എയര്‍ലൈനിന്റെ പൈലറ്റുമാര്‍ ആവശ്യപ്പെട്ടിരുന്നു. 2020ല്‍, കൊവിഡ്-19 പ്രതിസന്ധി ഘട്ടത്തില്‍ കമ്പനിയെ സഹായിക്കാന്‍ 20% ശമ്പളം വെട്ടിക്കുറയ്ക്കാന്‍ അവര്‍ സമ്മതിച്ചു. എന്നാല്‍, വലിയ ലാഭം തിരിച്ചുകിട്ടിയിട്ടും ശമ്പളം പുനസ്ഥാപിക്കാന്‍ കമ്പനി തയ്യാറിലിലെന്നാണ് ആരോപണം.
2023 ലെ ആദ്യ മൂന്ന് മാസങ്ങളില്‍ കമ്പനിയുടെ ആദായം നാലിരട്ടിയായി വര്‍ദ്ധിച്ചതായി പ്രഖ്യാപിച്ചതിന് ദിവസങ്ങള്‍ക്ക് ശേഷമാണ് പൈലറ്റുമാര്‍ സമരം തുടങ്ങുന്നത്. ചിലവില്‍ ഗണ്യമായ വര്‍ദ്ധനവുണ്ടായിട്ടും കമ്പനിയുടെ അറ്റാദായം 663 ദശലക്ഷം യൂറോയിലെത്തിയെന്നാണ് കണക്കുകള്‍.
എന്നാല്‍, ബെല്‍ജിയന്‍ നിയമം മാനിക്കുന്നതില്‍ കമ്പനി പരാജയപ്പെടുകയാണെന്നും നിയമങ്ങള്‍ പാലിക്കുന്ന മറ്റ് എയര്‍ലൈനുകള്‍ക്ക് അന്യായമായ മത്സരം സൃഷ്ടിക്കുന്ന 'സോഷ്യല്‍ ഡംപിങിന്' നന്ദി പറയുകയാണെന്നും പൈലറ്റുമാര്‍ പ്രതികരിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.