മാനന്തവാടി: പടിഞ്ഞാറത്തറ - പൂഴിത്തോട് ചുരമില്ലാ ബദല്‍ പാത പൂര്‍ത്തീകരണ സമരങ്ങള്‍ക്ക് ഐക്യദാര്‍ഢ്യവുമായി കെ.സി.വൈ.എം മാനന്തവാടി രൂപത രംഗത്ത്. ഐക്യദാര്‍ഢ്യം അറിയിച്ച് ഒരു മാരത്തോണ്‍ മല്‍സരവും സംഘടന നടത്തുന്നുണ്ട്.
ദ്വാരക നാലാം മൈല്‍ മുതല്‍ പടിഞ്ഞാറത്തറ വരെ 2023 ഡിസംബര്‍ 9 ശനിയാഴ്ച്ച വൈകുന്നേരം നാല് മണിക്ക് മാരത്തോണ്‍ മത്സരം നടക്കും.
അടിയന്തര സാഹചര്യങ്ങളിലും മറ്റും ചുരം ഇറങ്ങിയുള്ള യാത്രകള്‍ വയനാട്ടിലെ ജനതക്ക് തീര്‍ത്തും ക്ലേശകരമാണ്. ഇത്തരം അടിയന്തിര സാഹചര്യത്തില്‍ ഒരു അടിയന്തര പാതയായാണ് പൂഴിത്തോട് -പടിഞ്ഞാറത്തറ റോഡ് പ്രഖ്യാപിക്കപ്പെട്ടത്.
എന്നാല്‍ രാഷ്ട്രീയ ഭരണ നേതൃത്വങ്ങളുടെ കെടുകാര്യസ്ഥതയും മെല്ലെപോക്ക് സമീപനവും മൂലം പൂഴിത്തോട് -പടിഞ്ഞാറത്തറ ചുരമില്ലാ റോഡ് ഇന്നും വിദൂര സ്വപ്നമായി അവശേഷിക്കുന്നു. ഇതില്‍ പ്രതിഷേധമറിയിച്ചും ചുരമില്ലാ ബദല്‍ പാത പൂര്‍ത്തീകരണവുമായി ബന്ധപ്പെട്ട് നടക്കുന്ന സമരങ്ങള്‍ക്ക് ഐക്യദാര്‍ഡ്യം അറിയിച്ചുമാണ് മാരത്തോണ്‍ മല്‍സരം നടത്തുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26