തിരുവനന്തപുരം: സംസ്ഥാന സ്കൂള് കലോത്സവം ഡിസംബറില് തിരുവനന്തപുരത്ത് നടത്തുമെന്ന് വിദ്യാഭ്യാസ മന്ത്രി വി. ശിവന്കുട്ടി. പുതുക്കിയ മാന്വല് അനുസരിച്ചായിരിക്കും കലോത്സവമെന്നും തിയതി പിന്നീട് പ്രഖ്യാപിക്കുമെന്നും മന്ത്രി പറഞ്ഞു.
കായികമേള ഒക്ടോബര് 18 മുതല് 22 വരെ എറണാകുളത്ത് നടക്കും. ഇത്തവണ സ്കൂള് ഒളിമ്പിക്സ് എന്ന പേരിലാണ് കായികമേള നടക്കുക.
എല്ലാ ഇനങ്ങളും ഒരു സ്ഥലത്തു വച്ച് തന്നെയായിരിക്കുമെന്നും നാലുവര്ഷത്തിലൊരിക്കലായിരിക്കും സ്കൂള് ഒളിമ്പിക്സ് നടത്തുകയെന്നും മന്ത്രി പറഞ്ഞു. മിനി ഒളിമ്പിക്സ് എന്ന നിലയില് പ്രൗഢ ഗംഭീരമായി നടത്താനാണ് തീരുമാനമെന്നും മന്ത്രി പറഞ്ഞു.
സെപ്ഷ്യല് സ്കൂള് കലോത്സവം സെപ്റ്റംബര് 25,26,27 തിയതികളില് കണ്ണൂരില് വച്ചും ശാസ്ത്രമേള നവംബര് 14,15,16 തിയതികളില് ആലപ്പുഴയിലും നടക്കും.
ദിശ എക്സ്പോ ഒക്ടോബര് 5,6,7,8, 9 തയതികളില് തൃശൂരില് നടക്കുമെന്നും മന്ത്രി പറഞ്ഞു. നല്ല തയ്യാറെടുപ്പുകള് നടത്താന് വേണ്ടിയാണ് നേരത്തെ തിയതികള് പ്രഖ്യാപിച്ചതെന്നും മന്ത്രി വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26