പാലാ: സിഎന്‍ ഗ്ലോബല്‍ മൂവീസിന്റെ ബാനറില്‍ ലിസി കെ. ഫെര്‍ണാണ്ടസ് ആന്റ് ടീം നിര്‍മ്മിച്ച് റെജിസ് ആന്റണി സംവിധാനം ചെയ്യുന്ന സ്വര്‍ഗം എന്ന സിനിമയിലെ രണ്ടാമത്തെ ഗാനം നാളെ റിലീസ് ചെയ്യും.
പാലാ അല്‍ഫോന്‍സ കോളജില്‍ ഉച്ചയ്ക്ക് ഒരു മണിക്കാണ് പരിപാടി. സ്വര്‍ഗം സിനിമയില്‍ മുഖ്യ കഥാപാത്രത്തെ അവതരിപ്പിച്ച നടന്‍ അജു വര്‍ഗീസാണ് ഗാനത്തിന്റെ റിലീസിങ് നിര്‍വഹിക്കുന്നത്.
ആദ്യം റിലീസ് ചെയ്ത 'മീനച്ചിലാറിന്റെ തീരം മാമലയോരം' എന്ന് തുടങ്ങുന്ന 'കപ്പപ്പാട്ട്' വന്‍ ഹിറ്റായതിന് പിന്നാലെയാണ് രണ്ടാമത്തെ പാട്ടും റിലീസിങിനൊരുങ്ങുന്നത്. വിവിധ സോഷ്യല്‍ മീഡിയ പ്ലാറ്റ്‌ഫോമുകള്‍ വഴി ലക്ഷക്കണക്കിനാളുകളാണ് 'കപ്പപ്പാട്ട്' ആസ്വദിച്ചത്.
സന്തോഷ് വര്‍മ്മയാണ് നാളെ റിലീസ് ചെയ്യുന്ന 'നല്ലോരു രാവിന്റെ'... എന്നു തുടങ്ങുന്ന 'കല്യാണപ്പാട്ട്' രചിച്ചിരിക്കുന്നത്. സംഗീതം പകര്‍ന്നിരിക്കുന്നത് ജിന്റോ ജോണ്‍. ഹരിചരന്‍, സുധീപ് കുമാര്‍, അന്ന ബേബി എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്.
പാലാ അല്‍ഫോന്‍സ കോളജ് ഓഡിറ്റോറിയത്തില്‍ നാളെ നടക്കുന്ന ചടങ്ങില്‍ കോളജ് പ്രിന്‍സിപ്പാള്‍ ഫാ. ഷാജി ജോണ്‍, ബര്‍സാര്‍ ഫാ. കുര്യാക്കോസ് വെള്ളച്ചാലില്‍, സ്വര്‍ഗം സിനിമയിലെ നടീനടന്‍മാര്‍, അണിയറ പ്രവര്‍ത്തകര്‍ തുടങ്ങിയവര്‍ പങ്കെടുക്കും.
കപ്പപ്പാട്ടിന് ലഭിച്ച സ്വീകാര്യത കല്യാണപ്പാട്ടിനും ലഭിക്കും എന്ന പ്രതീക്ഷയിലാണ് ടീം സ്വര്‍ഗം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.