ആലപ്പുഴ: കത്തോലിക്ക കോൺഗ്രസിൻ്റെ ചങ്ങനാശേരി അതിരൂപതയിലെ ആലപ്പുഴ ഫൊറോന സമിതിയുടെ നേതൃത്വത്തിൽ നവംബർ പത്ത് ഞായറാഴ്ച ആലപ്പുഴ നസ്രാണി സമുദായ സംഗമവും റാലിയും നടത്തുന്നു.
ആലപ്പുഴ പഴവങ്ങാടി മാർ സ്ലീവ ഫൊറോന തീർത്ഥാടന പള്ളിയിലെ നിധീരിക്കൽ മാണികത്തനാർ നഗറിൽ നിന്നും ഉച്ചകഴിഞ്ഞ് മൂന്ന് മണിക്ക് ആരംഭിക്കുന്ന 5000 പേർ പങ്കെടുക്കുന്ന സമുദായ റാലി തത്തംപള്ളി പള്ളി മൈതാനത്തെ തച്ചിൽ മാത്തു തരകൻ നഗറിൽ എത്തിച്ചേർന്നതിന് ശേഷം അഞ്ച് മണിക്ക് ആലപ്പുഴ നസ്രാണി സമുദായ സംഗമം നടത്തപ്പെടുന്നു.
സമുദായ റാലി ആലപ്പുഴ ഫൊറോന വികാരി റവ. ഫാ. സിറിയക് കോട്ടയിൽ ഉദ്ഘാടനം ചെയ്യും. കത്തോലിക്ക കോൺഗ്രസ് ചങ്ങനാശേരി അതിരൂപത ഡയറക്ടർ ഫാ. സെബാസ്റ്റ്യൻ ചാമക്കാല ആമുഖ സന്ദേശം നൽകും. അതിരൂപത പ്രസിഡൻറ് ബിജു സെബാസ്റ്റ്യൻ ആശംസകൾ അർപ്പിക്കും
ആലപ്പുഴ നസ്രാണി സമുദായ സംഗമത്തിന് ചങ്ങനാശേരി അതിരൂപത മെത്രാപ്പോലീത്ത മാർ തോമസ് തറയിൽ ആമുഖ സന്ദേശം നൽകും. കത്തോലിക്കാ കോൺഗ്രസ് ഗ്ലോബൽ പ്രസിഡൻറ് രാജീവ് കൊച്ചുപറമ്പിൽ മുഖ്യപ്രഭാഷണം നടത്തുന്ന ചടങ്ങിൽ സീറോ മലബാർ സഭയുടെ മുൻ മേജർ ആർച്ച് ബിഷപ്പ് കർദ്ദിനാൾ മാർ ജോർജ്ജ് ആലഞ്ചേരി അനുഗ്രഹ പ്രഭാഷണം നടത്തും.
ഈ പരിപാടികളുടെ ജനറൽ കൺവീനർ ആയി സെബാസ്റ്റ്യൻ വർഗീസിനെയും വിവിധ കമ്മിറ്റി കൺവീനർമാരായി ജോഷി മോൻ, ബിനു സ്കറിയ, ടോമിച്ചൻ മേത്തശ്ശേരി, ടോമി കടവിൽ, ജോഷി ജോർജ്, ജോജി ഒ.ജെ എന്നിവരെ തിരഞ്ഞെടുത്തു. കത്തോലിക്ക കോൺഗ്രസ് ഫൊറോന ഡയറക്ടർ ഫാ.ജോയൽ പുന്നശേരിയുടെ നേതൃത്വത്തിൽ കുടുംബ കൂട്ടായ്മ ഡയറക്ടർ ഫാ.ബിജു മണവത്ത്,മാതൃ പിതൃവേദി ഡയറക്ടർ ഫാ. ലിബിൻ പുത്തൻപറമ്പിൽ യുവദീപ്തി ഡയറക്ടർ ഫാ.സോണി പള്ളിച്ചിറയിൽ സൺഡേ സ്കൂൾ, മിഷൻ ലീഗ് ഡയറക്ടർ ഫാ.ജൂലിയസ് തീമ്പലങ്ങാട്, സംഘടന ഭാരവാഹികളായ ജോൺ ബോസ്കോ, മോളമ്മ ആൻ്റണി, റോയി വേലിക്കെട്ടിൽ,ജെഫിൻ ജോസഫ്, ആൻഡ്രിയ ആൻ്റണി, അൽഫോൺസ് പോൾ എന്നിവരുടെ നേതൃത്വത്തിൽ വിവിധ കമ്മിറ്റികൾ രൂപീകരിച്ചു.
കത്തോലിക്ക കോൺഗ്രസ് നവംബർ 10 മുനമ്പം ഐക്യദാർഢ്യ ദിനമായി ആ ചരിക്കുന്നതിൻ്റെ ഭാഗമായുള്ള ഐക്യദാർഢ്യ പ്രഖ്യാപനം ആലപ്പുഴ നസ്രാണി സമുദായ സംഗമവേദിയിൽ ഗ്ലോബൽ പ്രസിഡൻ്റ് രാജീവ് കൊച്ചുപറമ്പിൽ നടത്തുന്നതാണ്
ജനറൽ കൺവീനറും അതിരൂപതാ സെക്രട്ടറിയുമായ സെബാസ്റ്റ്യൻ വർഗീസ് കത്തോലിക്കാ കോൺഗ്രസ് ആലപ്പുഴ ഫൊറോന പ്രസിഡൻറ് ദേവസ്യ പുളിക്കാശേരി, ജനറൽ സെക്രട്ടറി ഷാജി പോൾ, ട്രഷറർ ശ്രീ ജോഷി മോൻ, വിവിധ കമ്മിറ്റി കൺവീനർമാരായ ബിനു സ്കറിയ, ടോമിച്ചൻ മേത്തശേരി, ജോഷി ജോർജ് ടോമി കടവൻ എന്നിവർ പത്രസമ്മേളനത്തിൽ പങ്കെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.