ഡാലസ്: അമേരിക്കയില്‍ സര്‍ഗവാസനയുള്ള മലയാള കവികളെയും എഴുത്തുകാരെയും പ്രോത്സാഹിപ്പിക്കുവാനായി ഡാലസിലെ എഴുത്തുകാരുടെയും സാഹിത്യ ആസ്വാദകരുടെയും സംഘടനയായ കേരള ലിറ്റററി സൊസൈറ്റി ഏര്‍പ്പെടുത്തിയിരിക്കുന്ന കവിതാ അവാര്‍ഡ് ഈ വര്‍ഷവും നല്‍കും.
പ്രവാസി മലയാള കവി ജേക്കബ് മനയലിന്റെ സ്മരണാര്‍ത്ഥമാണ് ഈ കവിതാ അവാര്‍ഡ് നല്‍കി വരുന്നത്. ഇതോടൊപ്പം 2024 ല്‍ അന്തരിച്ച പ്രവാസി സാഹിത്യകാരന്‍ എബ്രഹാം തെക്കേമുറിയുടെ നാമത്തിലുള്ള ചെറുകഥാ പുരസ്‌കാരവും ഈ വര്‍ഷം മുതല്‍ നല്‍കപ്പെടും.
വിജയികള്‍ക്ക് 250 യു.എസ് ഡോളറും പ്രശസ്തി പത്രവും, 2025 മാര്‍ച്ച്- ഏപ്രില്‍ മാസങ്ങളില്‍ ഡാലസ്സില്‍ നടക്കുന്ന പൊതുസമ്മേളനത്തില്‍ വച്ചു നല്‍കപ്പെടും.
പൊതുനിബന്ധനകള്‍
1.വടക്കേ അമേരിക്കയിലും, കാനഡയിലും വസിക്കുന്ന മലയാള കവികള്‍ക്ക് ഇതില്‍ പങ്കെടുക്കാവുന്നതാണ്
2. രചനകള്‍ മൗലികമായിരിക്കണം. പുസ്തക രൂപത്തിലോ മുഖ്യധാരാ മാധ്യമങ്ങള്‍, സോഷ്യല്‍ മീഡിയ വഴി
പ്രസിദ്ധീകരിക്കാത്തതായിരിക്കണം.
3. രചനകള്‍ മതസ്പര്‍ദ്ധ വളര്‍ത്തുന്നതോ, കക്ഷി രാഷ്ട്രീയപരമായതോ, വ്യക്തിഹത്യ നടത്തുന്ന തരത്തിലോ ആകരുത്.
4. മലയാള പദ്യഗദ്യ കവിതകളും മലയാള ചെറുകഥകളുമാണ് പരിഗണിക്കപ്പെടുന്നത്.
5. ഒരു വര്‍ഷം അയച്ചു തന്ന കൃതി മറ്റൊരു വര്‍ഷം സ്വീകരിക്കുന്നതല്ല.
6.മുന്‍ വര്‍ഷങ്ങളില്‍ ഈ അവാര്‍ഡുകള്‍ നേടിയവരും ഈ വര്‍ഷത്തെ കെഎല്‍എസ് കമ്മറ്റി മെംബര്‍മാരും പങ്കെടുക്കുവാന്‍ അര്‍ഹരല്ല
സജീവസാഹിത്യ പ്രതിഭകളായ അഞ്ച് അംഗങ്ങളടങ്ങുന്നതാണ് ജഡ്ജിങ് കമ്മിറ്റി. അവാര്‍ഡ് പ്രഖ്യാപനം ഗഘട ഫേസ്ബുക്ക് പേജിലും, വെബ്‌സൈറ്റിലും, മുഖ്യധാരാ ഓണ്‍ലൈന്‍ മാധ്യമങ്ങളിലും പ്രസിദ്ധീകരിക്കുന്നതാണ്.
രചയിതാവിന്റെ പേര് വയ്ക്കാതെ കൃതികള്‍ പിഡീഎഫ് / ഫോട്ടോ ആയി ഈമെയിലിലൂടെ അയയ്‌ക്കേണ്ടതാണ്. ഒരാളില്‍ നിന്നു ഒരു കവിതയും ഒരു കഥയും മാത്രമേ മല്‍സരത്തിനായി സ്വീകരിക്കുകയുള്ളൂ. കൃതികള്‍ സമര്‍പ്പിക്കേണ്ട അവസാന തിയതി ഡിസംബര്‍ 31 , 2024.
അയക്കേണ്ട വിലാസം: Email : [email protected]
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.