കൊല്ലം: കെഎസ്ആര്‍ടിസി ബസ് നിയന്ത്രണംവിട്ട് മറിഞ്ഞ് അപകടം. കൊല്ലം മിയ്യന്നൂരിലാണ് സംഭവം. ബസിന്റെ ആക്‌സില്‍ ഒടിഞ്ഞതോടെയാണ് ബസിന്റെ നിയന്ത്രണം തെറ്റിയത്. നിരവധി യാത്രക്കാരാണ് ബസിലുണ്ടായിരുന്നത്. പരിക്കേറ്റവരെ സമീപത്തെ ആശുപത്രിയിലേക്ക് മാറ്റി. ആരുടെയും പരിക്കുകള്‍ ഗുരുതരമല്ലെന്ന് പൊലീസ് അറിയിച്ചു.
കൊല്ലത്ത് നിന്ന് കുളത്തുപുഴയിലേക്ക് പോവുകയായിരുന്നു ബസ്. മിയ്യന്നൂര്‍ റോഡിന് സമീപത്തെ വളവില്‍ എത്തിയപ്പോഴാണ് ബസ് നിയന്ത്രണംവിട്ടത്. റോഡിന്റെ ഒരു വശത്തേക്ക് ബസ് മറിയുകയായിരുന്നു. പൊലീസും നാട്ടുകാരും ചേര്‍ന്നാണ് ബസിനുള്ളിലുണ്ടായിരുന്നവരെ പുറത്തെടുത്തത്. പരിക്കേറ്റവരെ മിയ്യന്നൂര്‍ സ്വകാര്യ ആശുപത്രിയിലും സര്‍ക്കാര്‍ ആശുപത്രിയിലുമായി പ്രവേശിപ്പിച്ചു.
വിദ്യാര്‍ത്ഥികള്‍ ഉള്‍പ്പെടെ 30 യാത്രക്കാരാണ് ബസിലുണ്ടായിരുന്നത്. വലിയ തിരക്കേറിയ റോഡിലായിരുന്നു അപകടം. മോട്ടോര്‍ വാഹന വകുപ്പ്, പൊലീസ്, ഫയര്‍ഫോഴ്‌സ് ഉദ്യോഗസ്ഥര്‍ സ്ഥലത്തെത്തിയിട്ടുണ്ട്. ബസ് ഉയര്‍ത്താനുള്ള ശ്രമങ്ങള്‍ നടന്നുവരികയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.