ന്യൂഡല്‍ഹി: ജമ്മു കാശ്മീര്‍ ആസ്ഥാനമായി പ്രവര്‍ത്തിക്കുന്ന രണ്ട് മുസ്ലീം സംഘടനകള്‍ക്ക് നിരോധനം ഏര്‍പ്പെടുത്തി കേന്ദ്ര സര്‍ക്കാര്‍.
ജമ്മു കാശ്മീര്‍ ഇത്തിഹാദുല്‍ മുസ്ലീമീന്‍, അവാമി ആക്ഷന്‍ കമ്മിറ്റി എന്നീ സംഘടനകളെയാണ് നിയമ വിരുദ്ധ പ്രവര്‍ത്തന നിരോധന നിയമ പ്രകാരം കേന്ദ്ര ആഭ്യന്തര മന്ത്രാലയം അഞ്ച് വര്‍ഷത്തേക്ക് നിരോധിച്ചത്.
1987ന് ശേഷം രൂപം കൊണ്ട ജമ്മു കാശ്മീര്‍ ഇത്തിഹാദുല്‍ മുസ്ലീമീനെ മന്‍സൂര്‍ അബ്ബാസ് അന്‍സാരിയാണ് നയിക്കുന്നത്. അവാമി ആക്ഷന്‍ കമ്മിറ്റിക്ക് ഉമര്‍ ഫാറുഖുമാണ് നേതൃത്വം നല്‍കുന്നത്.
ജമ്മു കാശ്മീരില്‍ വിഘടനവാദ പ്രവര്‍ത്തനങ്ങളുടെ പേരില്‍ ഒട്ടേറെ ആരോപണങ്ങള്‍ നേരിടുന്ന സംഘടനയാണ് ഇവ രണ്ടും. വിവിധ സമയങ്ങളില്‍ ദേശീയ വിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടതായി കണ്ടെത്തിയതിന്റെ അടിസ്ഥാനത്തിലാണ് നടപടി.
രാജ്യത്തിന്റെ പരമാധികാരം, സുരക്ഷ എന്നിവയ്ക്ക് ഹാനികരമായ നിയമ വിരുദ്ധ പ്രവര്‍ത്തനങ്ങളില്‍ ഇരു സംഘടനകളും ഏര്‍പ്പെട്ട സാഹചര്യത്തിലാണ് നിരോധനമെന്ന് കേന്ദ്ര ആഭ്യന്തര മന്ത്രാലയം അറിയിച്ചു.
ജമ്മു കാശ്മീരില്‍ തീവ്രവാദ പ്രവര്‍ത്തനങ്ങള്‍ക്കും ഇന്ത്യ വിരുദ്ധ പ്രചാരണങ്ങള്‍ നടത്തുന്നതിലും ഈ സംഘടനകള്‍ മുഖ്യപങ്ക് വഹിക്കുന്നതായും 1967 ലെ നിയമ വിരുദ്ധ പ്രവര്‍ത്തന നിരോധന നിയമ പ്രകാരം രണ്ട് ഗ്രൂപ്പുകളെയും അഞ്ച് വര്‍ഷത്തേക്ക് നിയമ വിരുദ്ധമായി പ്രഖ്യാപിച്ചതായും കേന്ദ്ര ആഭ്യന്തര മന്ത്രാലയം വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.