ഷാർജ: ഷാർജ സെന്റ് മൈക്കിൾസ് ദേവാലയത്തിലെ സിറോ മലബാർ സമൂഹത്തിന്റെ ഈ വർഷത്തെ വാർഷിക ആഘോഷങ്ങൾ 'കൂടാരം 2025' നവംബർ എട്ടിന് അജ്മാനിലെ തുമ്പേ മെഡിസിറ്റി ഗ്രൗണ്ടിൽ നടക്കും. 'കുടുംബവും വിശ്വാസവും ഒത്തുചേരുമ്പോൾ' (Embracing Divine Unity, Family & Faith Rejoice Together) എന്ന സന്ദേശമുയർത്തി നടക്കുന്ന പരിപാടിയിൽ കുടുംബ യൂണിറ്റുകളുടെ റാലിയും ആഘോഷ പരിപാടികളും അരങ്ങേറും.
കുടുംബബന്ധങ്ങൾ ദൃഢമാക്കാനും വിശ്വാസ പാരമ്പര്യം പരിരക്ഷിക്കാനും ഉതകുന്ന വൈവിധ്യമാർന്ന പരിപാടികളോടെയാണ് ഈ വർഷത്തെ കൂടാരം ഒരുങ്ങുന്നത്. വൈകിട്ട് നാലിന് പ്രവേശന കവാടങ്ങൾ തുറക്കുന്നതോടെ ആഘോഷങ്ങൾക്ക് തുടക്കമാകും. തുടർന്ന് കുട്ടികളുടെ വിവിധ മത്സരങ്ങൾ, വിശ്വാസ പ്രഘോഷണ റാലി, ചെണ്ടമേളവും ബാന്റ് വാദ്യവും ഉൾപ്പെടുന്ന കൊട്ടിക്കലാശം നടക്കും.
തുടർന്ന് നടക്കുന്ന പൊതുസമ്മേളനം ഇടവക വികാരി ഫാ. മുത്തു OFM Cap. ഉദ്ഘാടനം ചെയ്യും. ഫാ. ജോൺ ജോസഫ് ഏടാട്ട് കപ്പൂച്ചിൻ, ഫാ. ജോൺ തുണ്ടിയത്ത് തുടങ്ങിയവർ ആശംസകൾ നേർന്ന് സംസാരിക്കും. സമ്മേളനത്തിനിടെ സമ്മാനദാനവും കമ്മ്യൂണിറ്റിക്ക് വേണ്ടി സേവനം ചെയ്യുന്ന വോളന്റിയേഴ്‌സിനെ ആദരിക്കലും നടക്കും.
ഈ വർഷത്തെ 'കൂടാരം 2025' ന്റെ പ്രധാന ആകർഷണം 100 ൽ പരം കുടുംബ യൂണിറ്റ് അംഗങ്ങൾ പങ്കെടുക്കുന്ന വിശ്വാസ പ്രഘോഷണ റാലിയും പ്രശസ്ത പിന്നണി ഗായിക റിമി ടോമി അവതരിപ്പിക്കുന്ന സംഗീത വിരുന്നും ആണ്.
പരിപാടിയിലേക്ക് പ്രവേശനം ടിക്കറ്റ് മൂലം നിയന്ത്രിക്കുന്നതാണെന്ന് സംഘടാകർ അറിയിച്ചു.. 'ഒരേ സമൂഹം, ഒരേ കുടുംബം, ഒരേ ആഘോഷം' എന്ന പ്രമേയം മുൻനിർത്തി ടീം കൂടാരം 2025 ആണ് പരിപാടികൾക്ക് നേതൃത്വം നൽകുന്നത്. സിറോ മലബാർ കമ്മ്യൂണിറ്റി (SMC) കോഓർഡിനേറ്റർ സോജിൻ കെ. ജോൺ, അസിസ്റ്റന്റ് കോഓർഡിനേറ്റർ സിമി ഡെന്നിസ്, എസ്.എം.സി. അജ്‌മാൻ കോർഡിനേറ്റർ വർഗീസ് ബേബി, കൺവീനർമാരായ അലൻ ജോസ്, ഷെറി ജോസഫ് തുടങ്ങിയവരുടെ നേതൃത്വത്തിലുള്ള സംഘാടക സമിതി വിപുലമായ ഒരുക്കങ്ങൾ നടത്തിവരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.