ആലപ്പുഴ: ആലപ്പുഴ ശക്തി ഓഡിറ്റോറിയത്തില്‍ ഇന്ന് ഉച്ചയ്ക്ക് 12.12 നും 12.25 നും ഇടയിലുള്ള മുഹൂര്‍ത്തത്തിലായിരുന്നു തുമ്പോളി സ്വദേശികളായ ഷാരോണിന്റെയും ആവണിയുടെയും വിവാഹം നടക്കേണ്ടിയിരുന്നത്.
എന്നാല്‍ വിവാഹത്തിന് മണിക്കൂറുകള്‍ മാത്രം മുന്‍പ് വധു അപകടത്തില്‍പ്പെട്ടു. തണ്ണീര്‍മുക്കത്ത് ബ്യൂട്ടീഷ്യന്റെ അടുത്ത് പോയി മടങ്ങും വഴി ആവണി സഞ്ചരിച്ച കാര്‍ അപകടത്തില്‍പ്പെടുകയായിരുന്നു.
ഗുരുതരമായി പരിക്കേറ്റ ആവണിയെ കോട്ടയം മെഡിക്കല്‍ കോളജിലും പിന്നീട് കൊച്ചിയിലെ സ്വകാര്യ ആശുപത്രിയിലും പ്രവേശിപ്പിച്ചു. ആരോഗ്യ നിലയില്‍ വലിയ പ്രശ്‌നങ്ങളില്ലെന്ന് ഡോക്ടര്‍മാര്‍ അറിയിച്ചതോടെ മുഹൂര്‍ത്തം തെറ്റാതെ ആശുപത്രിയില്‍ താലികെട്ട് നടത്താന്‍ ഇരു കുടുംബങ്ങളും തീരുമാനിച്ചു.
അങ്ങനെ നിശ്ചയിച്ച മുഹൂര്‍ത്തത്തില്‍ ആശുപത്രിയിലുള്ളവരെ സാക്ഷിയാക്കി വരന്‍ വധുവിനെ താലികെട്ടി ജീവിത സഖിയാക്കി. ഇരുവരും വിവാഹിതരായ അതേ സമയത്തു തന്നെ ഓഡിറ്റോറിയത്തില്‍ വിവാഹ സദ്യയും വിളമ്പി.
ആവണിയുടെ നട്ടെല്ലിനും കാലിന്റെ എല്ലിനും പരിക്കേറ്റിട്ടുണ്ട്. നാളെ സര്‍ജറി നടക്കും. ആവണിയുടെ കൂടെയുണ്ടായിരുന്ന മൂന്നു പേര്‍ക്കും പരിക്കേറ്റു. ഇവര്‍ കോട്ടയം മെഡിക്കല്‍ കോളജില്‍ ചികിത്സയിലാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.