ഇസ്താംബൂള്‍: വിശ്വാസത്തിന്റെ ധീര നിലപാടുമായി ആഗോള കത്തോലിക്ക സഭയുടെ തലവന്‍ ലിയോ പതിനാലാമന്‍ മാര്‍പാപ്പ.
തന്റെ ആദ്യ അപ്പസ്തോലിക യാത്രയായ തുര്‍ക്കി സന്ദര്‍ശനത്തിന്റെ മൂന്നാം ദിവസം ഇസ്താംബൂളിലെ ബ്ലൂ മോസ്‌ക് സന്ദര്‍ശിക്കവെ ഇമാം ആസ്ജിന്‍ തുങ്ക മോസ്‌കിനുള്ളില്‍ പ്രാര്‍ത്ഥിക്കാന്‍ പാപ്പയെ ക്ഷണിച്ചെങ്കിലും അദേഹം സ്‌നേഹ പൂര്‍വം ക്ഷണം നിരസിച്ചു.
പ്രാദേശിക ആചാര പ്രകാരം പ്രവേശന കവാടത്തില്‍ പാപ്പ തന്റെ ഷൂസ് ഊരി മാറ്റിയിരുന്നു. വെളുത്ത സോക്‌സ് ധരിച്ച് മോസ്‌കില്‍ പ്രവേശിച്ച അദേഹം അവിടെ പ്രാര്‍ത്ഥന നടത്താനുള്ള ക്ഷണം സൗമ്യമായി നിരസിക്കുകയായിരുന്നു വെന്ന് ഇമാം ആസ്ജിന്‍ തുങ്ക തന്നെ വെളിപ്പെടുത്തി.
ഒരു കര്‍ത്താവും ഒരു വിശ്വാസവും ഒരു മാമ്മോദീസായും എന്ന തുര്‍ക്കി സന്ദര്‍ശനത്തിന്റെ ആപ്ത വാക്യം പ്രാവര്‍ത്തികമാക്കി ഏക ദൈവത്തിലുള്ള വിശ്വാസം മുറുകെ പിടിച്ച് അദേഹം ഒത്തു തീര്‍പ്പുകള്‍ക്ക് തയ്യാറായില്ല എന്നത് ശ്രദ്ധേയം. തന്റെ അടിയുറച്ച നിലപാടിലൂടെ കൃത്യവും വ്യക്തവുമായ വിശ്വാസ പ്രഖ്യാപനത്തിന്റെ സന്ദേശമാണ് പാപ്പ ലോകത്തിന് നല്‍കിയത് എന്നാണ് വിലയിരുത്തപ്പെടുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.