അയ്യപ്പന്, കാവിലമ്മ, ആറ്റുകാലമ്മ, ഭാരതാംബ, ശ്രീപത്മനാഭന്, ഗുരുദേവന്, ബലിദാനികള് തുടങ്ങിയവരുടെ പേരിലായിരുന്നു ബിജെപി കൗണ്സിലര്മാര് സത്യപ്രതിജ്ഞ ചെയ്തത്.
തിരുവനന്തപുരം: തദ്ദേശ തിരഞ്ഞെടുപ്പിലെ വിജയത്തെ തുടര്ന്ന് പല ദൈവങ്ങളുടെ പേരില് സത്യപ്രതിജ്ഞ ചെയ്ത തിരുവനന്തപുരം കോര്പ്പറേഷനിലെ 20 കൗണ്സിലര്മാര്ക്ക് നോട്ടീസ് അയച്ച് ഹൈക്കോടതി. സിപിഎം പാര്ലമെന്റി പാര്ട്ടി നേതാവും കൗണ്സിലറുമായ എസ് .ി ദീപക്കിന്റെ ഹര്ജിയിലാണ് നടപടി.
പല ദൈവങ്ങളുടെയും ബലിദാനികളുടെയും പേരില് ചെയ്ത സത്യപ്രതിജ്ഞ അസാധുവാക്കണം എന്നാവശ്യപ്പെട്ടാണ് സിപിഎം നേതാവ് ഹര്ജി നല്കിയത്. ദൈവനാമത്തില് എന്നതിനുപകരം പല ദൈവങ്ങളുടെ പേര് സത്യപ്രതിജ്ഞയില് എങ്ങനെ പറയാനാകുമെന്ന് ഹര്ജി ഫയലില് സ്വീകരിച്ച് കോടതി ചോദിച്ചു.
ബിജെപി കൗണ്സിലര്മാര് ദൈവങ്ങളുടെ പേരുപറഞ്ഞ് സത്യപ്രതിജ്ഞ ചെയ്തതിലെ ചട്ടലംഘനം മേയറുടെ തിരഞ്ഞെടുപ്പിന് തൊട്ടു മുന്പ് ദീപക് ചൂണ്ടിക്കാട്ടിയത് തര്ക്കത്തിനിടയാക്കിയിരുന്നു. എന്നാല് സത്യപ്രതിജ്ഞയ്ക്ക് മുന്പ് ഇക്കാര്യം ഉന്നയിക്കണമായിരുന്നുവെന്നാണ് കളക്ടര് അനുകുമാരി പ്രതികരിച്ചത്.
സത്യപ്രതിജ്ഞ കഴിഞ്ഞ് ഫോമുകളില് ഒപ്പിടുകയും യോഗത്തില് പങ്കെടുക്കുകയും ചെയ്തതോടെ അംഗങ്ങളായി മാറിയെന്നും ഇനി പരാതിയുണ്ടെങ്കില് കോടതിയെ സമീപിക്കാമെന്നും കളക്ടര് നിര്ദേശിച്ചിരുന്നു. അയ്യപ്പന്, കാവിലമ്മ, ആറ്റുകാലമ്മ, ഭാരതാംബ, ശ്രീപത്മനാഭന്, ഗുരുദേവന്, ബലിദാനികള് തുടങ്ങിയവരുടെ പേരിലായിരുന്നു ബിജെപി കൗണ്സിലര്മാര് സത്യപ്രതിജ്ഞ ചെയ്തത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.