വത്തിക്കാന് സിറ്റി: ജൂൺ ആറ് മുതൽ പന്ത്രണ്ട് വരെ ലിയോ പതിനാലമൻ മാർപാപ്പ നടത്തുന്ന സ്പെയിൻ സന്ദർശനത്തിന്റെ ലോഗോയും ആപ്തവാക്യവും വത്തിക്കാൻ ഔദ്യോഗികമായി പ്രസിദ്ധീകരിച്ചു. ഏപ്രിൽ ഏഴിനാണ് വത്തിക്കാൻ ഈ വിവരങ്ങൾ പുറത്തുവിട്ടത്.
ലോഗോയുടെ മധ്യഭാഗത്തായി പരിശുദ്ധ കന്യകാമറിയത്തിന്റെ ചിത്രം ആലേഖനം ചെയ്തിട്ടുണ്ട്.
ഐക്യത്തിന്റെയും പ്രത്യാശയുടെയും അടയാളമായ ദൈവത്തിലേക്ക് വിശ്വാസികളുടെ ദൃഷ്ടി തിരിക്കാൻ പ്രേരിപ്പിക്കുന്ന ഒരു മാതൃസാന്നിധ്യമായാണ് ഇതിനെ ചിത്രീകരിച്ചിരിക്കുന്നത്.
വിശുദ്ധ യോഹന്നാന്റെ സുവിശേഷത്തിലെ നാലാം അധ്യായം മുപ്പത്തിയഞ്ചാം തിരുവചനമായ "കണ്ണുകളുയർത്തി നോക്കുവിൻ" എന്നതാണ് ഈ യാത്രയുടെ ആപ്തവാക്യമായി തിരഞ്ഞെടുത്തത്.
ദൈനംദിന ജീവിതത്തിലെ ആകുലതകൾക്കപ്പുറം നമ്മുടെ ദൃഷ്ടികൾ ഉയർത്താനും ദൈവ സാന്നിധ്യം വീണ്ടും കണ്ടെത്താനും മറ്റുള്ളവർക്കായി സ്വയം തുറക്കാനുമുള്ള ആഹ്വാനമാണിത്."- വത്തിക്കാൻ അറിയിച്ചു.
ജൂൺ ആറിന് ആരംഭിക്കുന്ന പാപ്പയുടെ സന്ദർശനം സ്പെയിനിലെ കത്തോലിക്കാ സഭയ്ക്കും വിശ്വാസികൾക്കും പുതിയ ഊർജം പകരുമെന്നാണ് പ്രതീക്ഷിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.