ബംഗളൂരു: ദക്ഷിണേന്ത്യന് ചലച്ചിത്ര സംഗീതത്തിന്റെ വാനമ്പാടി എസ്. ജാനകി (88) അന്തരിച്ചു. മൈസൂരുവിലെ സ്വകാര്യ ആശുപത്രിയിലായിരുന്നു അന്ത്യം. വാര്ധക്യ സഹജമായ അസുഖങ്ങളെ തുടര്ന്ന് ഏറെ നാളായി ചികിത്സയിലായിരുന്നു.
പതിനായിരത്തിലധികം ഗാനങ്ങളിലൂടെ തലമുറകളെ സംഗീത സാന്ദ്രമാക്കിയ വിസ്മയ ഗായികയുടെ വേര്പാടില് ചലച്ചിത്ര-സംഗീത ലോകം ഒന്നടങ്കം ആദരാഞ്ജലികള് അര്പ്പിക്കുകയാണ്.
1950 കളുടെ അവസാനത്തില് ചലച്ചിത്ര ഗാന രംഗത്തേക്ക് കടന്നുവന്ന എസ്. ജാനകി, നാല് പതിറ്റാണ്ടിലേറെക്കാലം ദക്ഷിണേന്ത്യന് സംഗീത സാമ്രാജ്യത്തിലെ അവിഭാജ്യ ഘടകമായിരുന്നു. കൊച്ചു കുട്ടികളുടെ ശബ്ദത്തില് മുതല് ഭാവസാന്ദ്രമായ പ്രണയഗാനങ്ങളിലും താരാട്ടുപാട്ടുകളിലും വരെ ഒരു പോലെ തിളങ്ങിയ അത്ഭുത പ്രതിഭയായിരുന്നു എസ്. ജാനകി.
മലയാളത്തില് എം.എസ് ബാബുരാജ്, ദേവരാജന് മാസ്റ്റര്, ദക്ഷിണാമൂര്ത്തി, രാഘവന് മാസ്റ്റര്, കെ. രാഘവന് തുടങ്ങി പ്രമുഖ സംഗീത സംവിധായകരുടെയെല്ലാം അവിസ്മരണീയ ഗാനങ്ങള്ക്ക് ശബ്ദം നല്കി. കെ.ജെ യേശുദാസ്, എസ്.പി ബാലസുബ്രഹ്മണ്യം എന്നിവര്ക്കൊപ്പം ജാനകി പാടിയ ഗാനങ്ങള് ഇന്നും സംഗീതാസ്വാദകരുടെ മനസില് ചിരപ്രതിഷ്ഠ നേടിയവയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.