കൊട്ടാരക്കര: വിയറ്റ്നാമിലെ ഫു ക്വോക്ക് ദ്വീപിന് സമീപമുണ്ടായ ബോട്ട് അപകടത്തില് മരണപ്പെട്ട കൊട്ടാരക്കര സ്വദേശി എ.സി തോമസിന്റെയും ഭാര്യ ലൗനിയുടെയും മൃതദേഹങ്ങള് എത്രയും വേഗം നാട്ടിലെത്തിക്കാനുള്ള നടപടികള് നയതന്ത്രതലത്തില് ഊര്ജിതമാക്കി. അപകടത്തില് മരിച്ച 15 ഇന്ത്യക്കാരുടെ മൃതദേഹങ്ങള് വിട്ടുകിട്ടുന്നതിനായി വിദേശകാര്യ മന്ത്രാലയവും വിയറ്റ്നാമിലെ ഇന്ത്യന് എംബസിയും ചേര്ന്നുള്ള പ്രവര്ത്തനങ്ങള് ഏകോപിപ്പിച്ചു വരികയാണ്.
കഴിഞ്ഞ ഏഴാം തിയതി വിനോദസഞ്ചാരത്തിനായി വിയറ്റ്നാമിലേക്ക് തിരിച്ച തോമസും ഭാര്യയും വെള്ളിയാഴ്ചയാണ് അവസാനമായി നാട്ടിലേക്ക് വിളിച്ചത്. ശനിയാഴ്ച വൈകിട്ടോടെയാണ് അപകട വിവരം കുടുംബാംഗങ്ങളെ തേടിയെത്തിയത്. ദുരന്ത വിവരമറിഞ്ഞതിനെ തുടര്ന്ന് കേന്ദ്ര സംസ്ഥാന ജനപ്രതിനിധികളും കൊട്ടാരക്കരയിലെ വസതിയിലെത്തി കുടുംബാംഗങ്ങളെ ആശ്വസിപ്പിച്ചു. മൃതദേഹങ്ങള് നാട്ടിലെത്തിക്കുന്ന പ്രക്രിയ വേഗത്തിലാക്കാന് അടിയന്തര ഇടപെടല് ആവശ്യപ്പെട്ട് മക്കളായ എ.ടി ചെറിയാനും ദിവ്യ സൂസണ് തോമസും കേന്ദ്ര വിദേശകാര്യ മന്ത്രാലയത്തിന് നിവേദനം നല്കിയിട്ടുണ്ട്.
കൊട്ടാരക്കരയിലെ പ്രമുഖ വ്യവസായിയും ജീവകാരുണ്യ പ്രവര്ത്തകനുമായിരുന്ന തോമസിന്റെയും ഭാര്യയുടെയും ദാരുണമായ വേര്പാടില് നഗരത്തിലെ വ്യാപാര സ്ഥാപനങ്ങളും സാമൂഹിക സംഘടനകളും ആദരാഞ്ജലികള് അര്പ്പിച്ചു. എംബസി നടപടികള് പൂര്ത്തിയാക്കി വരും ദിവസങ്ങളില് തന്നെ മൃതദേഹങ്ങള് തിരുവനന്തപുരത്ത് എത്തിക്കാനാകുമെന്നാണ് ബന്ധുക്കളുടെ പ്രതീക്ഷ.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.