ദുബായ്: ഇന്ത്യയില് നിന്ന് ആഗസ്റ്റ് ഏഴുവരെ യാത്രാവിമാനസർവ്വീസുണ്ടാവില്ലെന്ന് വിമാനകമ്പനിയായ എമിറേറ്റ്സ്. യാത്രാക്കാർക്കുളള അപ്ഡേറ്റിലാണ് ഇക്കാര്യം വ്യക്തമാക്കിയിട്ടുളളത്.
14 ദിവസത്തിനിടെ ഇന്ത്യ, പാകിസ്ഥാന്, ബംഗ്ലാദേശ്, ശ്രീലങ്ക രാജ്യങ്ങളിലൂടെ യാത്ര ചെയ്തവർക്ക് പ്രവേശനമില്ലെന്നാണ് അറിയിപ്പ്. നേരത്തെ ജൂലൈ 31 ന് സർവ്വീസ് ആരംഭിക്കുമെന്നായിരുന്നു എമിറേറ്റ്സ് അറിയിച്ചിരുന്നത്.