കൊച്ചി: കൊവിഡ് പ്രതിസന്ധി മൂലം തീയേറ്ററുകളും മറ്റും അടച്ചുപൂട്ടിയതിനാൽ വിനോദ വ്യവസായത്തിനു ഉണർവേകിയത് ഓ.ടി.ടി. (ഓവർ ദി ടോപ്) പ്ലാറ്റ് ഫോമുകളാണ്. കോവിഡ് കാരണം തിയറ്ററിൽ റിലീസ് ചെയ്യാൻ സാധിക്കാതെ പോയ പല ചിത്രങ്ങളും ഓ.ടി.ടിയിലൂടെയാണ് പ്രേക്ഷകർ ആസ്വദിച്ചത്.
എന്നാൽ ഇപ്പോൾ ചർച്ചയാകുന്നത് ഐ.എം.ഡി.ബി.യുടെ ഈ വർഷത്തെ ‘മോസ്റ്റ് പോപ്പുലർ ഇന്ത്യൻ’ ചിത്രങ്ങളുടെയും പരമ്പരകളുടെയും ലിസ്റ്റുകളാണ്. ലോക സിനിമകളുടെയും പരമ്പരകളുടെയും പ്രമുഖ ഓൺലൈൻ ഡാറ്റ ബേസാണ് ഐ.എം.ഡി.ബി. വിവിധ ഭാഷകളിൽ നിന്നായി ഏഴ് സിനിമകളും മൂന്ന് വെബ് സീരീസുമാണ് ലിസ്റ്റിൽ ഇടം പിടിച്ചിരിക്കുന്നത്.
മലയാളത്തിലെ രണ്ട് സിനിമകളും ലിസ്റ്റിലുണ്ട്. ജീത്തു ജോസഫ് സംവിധാനം ചെയ്ത ‘ദൃശ്യം 2’ വും, ജിയോ ബേബി സംവിധാനം നിർവഹിച്ച ‘ദി ഗ്രേറ്റ് ഇന്ത്യൻ കിച്ചണു’മാണ് അവ.
തമിഴില്‍ നിന്ന് വിജയ് ചിത്രം മാസ്റ്റര്‍, ധനുഷിന്‍റെ ‘കര്‍ണ്ണന്‍’, ഡിസ്‍നി പ്ലസ് ഹോട്ട്സ്റ്റാറിന്‍റെ തമിഴ് ക്രൈം ത്രില്ലര്‍ സിരീസ് ആയ ‘നവംബര്‍ സ്റ്റോറി’ എന്നിവയും ലിസ്റ്റില്‍ ഇടംപിടിച്ചിട്ടുണ്ട്.
തെലുങ്കില്‍ നിന്ന് പവന്‍ കല്യാണിന്റെ ‘വക്കീല്‍ സാബും’ രവി തേജയുടെ ‘ക്രാക്കും’. രണ്ട് സിരീസുകളും ഒരു സിനിമയുമാണ് ഹിന്ദിയില്‍ നിന്ന് ലിസ്റ്റില്‍ ഇടംനേടിയത്. ദി വൈറല്‍ ഫീവര്‍ യുട്യൂബ് ചാനലിലൂടെ തരംഗം തീര്‍ത്ത ‘ആസ്‍പിരന്‍റ്സ്’, സോണി ലൈവിന്‍റെ ഡ്രാമ സിരീസ് ആയ ‘മഹാറാണി’ എന്നിവയാണ് വെബ് സിരീസുകള്‍. ഒപ്പം നെറ്റ്ഫ്ളിക്സിലൂടെ എത്തിയ പ്രിയങ്ക ചോപ്ര ചിത്രം ‘ദി വൈറ്റ് ടെഗറും’.
ജനപ്രീതിയില്‍ ഒന്നാം സ്ഥാനത്ത് തമിഴ് ചിത്രം ‘മാസ്റ്റര്‍’ ആണ്. നാലാമത് ദൃശ്യം 2വും. ദി ഗ്രേറ്റ് ഇന്ത്യന്‍ കിച്ചണ്‍ പത്താം സ്ഥാനത്തുമാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.