എഫ്.ഡി.എസ്.എച്ച്.ജെ സുപ്പീരിയർ ജനറൽ സിസ്റ്റർ റോസി പുതുപ്പറമ്പിൽ അന്തരിച്ചു

ആലപ്പുഴ: എഫ്.ഡി.എസ്.എച്ച്.ജെ സന്യാസി സമൂഹത്തിന്റെ  സുപ്പീരിയർ ജനറൽ റവ. സിസ്റ്റർ റോസി (56) പുതുപ്പറമ്പിൽ അന്തരിച്ചു. ഹൃദയാഘാതത്തെ തുടർന്ന് ഇന്ന് രാവിലെയായിരുന്നു അന്ത്യം. മൃതദേഹം തിങ്കളാഴ്ച വൈകുന്നേരം നാലിന് പുന്നവേലിയിലുള്ള ജനറലേറ്റിൽ കൊണ്ടുവരും. സംസ്കാര ശുശ്രൂഷകൾ ചൊവ്വാഴ്ച (23-11-2021) വൈകുന്നേരം മൂന്നിന് വിശുദ്ധ കുർബാനയോടുകൂടി അഭിവന്ദ്യ പിതാക്കന്മാരുടെ മുഖ്യ കാർമ്മികത്വത്തിൽ ജനറലേറ്റിലെ സെമിത്തേരിയിൽ നടത്തപ്പെടും

മാതാപിതാക്കൾ: പരേതരായ വർഗീസ് തോമസ്, അന്നമ്മ വർഗീസ്. സഹോദരങ്ങൾ: ഫാ. തോമസ് പുതുപ്പറമ്പിൽ (ഇറ്റാനഗർ, അരുണാചൽ പ്രദേശ്), സിറിയക് വർഗീസ് (സാം), സിസ്റ്റർ വിമല ( ലിറ്റിൽ സിസ്റ്റേഴ്സ് ഓഫ് ജീസസ്, സൗത്ത് ആഫ്രിക്ക), മേഴ്സി ഡൊമിനിക്.(ബാംഗ്ലൂർ).

മൃതദേഹം സെന്റ് തോമസ് ചെത്തിപ്പുഴ ആശുപത്രിയിൽ മോർച്ചറിയിൽ സൂക്ഷിച്ചിരിക്കുകയാണ്.