പൊതുമരാമത്തില്ല; മറ്റു പല സര്‍ക്കാര്‍ ഓഫീസുകളും ഇന്ന് പ്രവര്‍ത്തിക്കും

തി​രു​വ​ന​ന്ത​പു​രം: സെ​ക്ര​ട്ടേ​റി​യ​റ്റി​ലെ കെ​ട്ടി​ക്കി​ട​ക്കു​ന്ന ഫ​യ​ൽ തീ​ർ​പ്പാ​ക്കാ​ൻ​ ഞാ​യ​റാ​ഴ്ച​യി​ലെ അ​വ​ധി ഒ​ഴി​വാ​ക്കി ​എ​ല്ലാ ജീ​വ​ന​ക്കാ​രും ജോ​ലി​ക്ക്​ ഹാ​ജ​രാ​ക​ണ​മെ​ന്ന്​ പൊ​തു​ഭ​ര​ണ​വ​കു​പ്പി​ന്‍റെ സ​ർ​ക്കു​ല​ർ. മു​ഖ്യ​മ​ന്ത്രി​യു​ടെ നി​ർ​ദേ​ശ പ്ര​കാ​രം ഫ​യ​ൽ തീ​ർ​പ്പാ​ക്ക​ൽ യ​ജ്ഞ​ത്തി​ന്‍റെ ഭാ​ഗ​മാ​യാ​ണ്​ സ​ർ​ക്കു​ല​ർ ഇ​റ​ങ്ങി​യ​ത്​.

ഇ​തു​സം​ബ​ന്ധി​ച്ച്​ സെ​ക്ര​ട്ടേ​റി​യ​റ്റി​ലെ സ​ർ​വി​സ്​ സം​ഘ​ട​ന നേ​താ​ക്ക​ളു​മാ​യി പൊ​തു​ഭ​ര​ണ​വ​കു​പ്പ്​ പ്രി​ൻ​സി​പ്പ​ൽ സെ​ക്ര​ട്ട​റി ജൂ​ൺ 29ന്​ ​ച​ർ​ച്ച ന​ട​ത്തി​യി​രു​ന്നു. ഇ​തി​ന്‍റെ​കൂ​ടി അ​ടി​സ്ഥാ​ന​ത്തി​ലാ​ണ്​ മൂ​ന്നി​ന്​ പ്ര​വൃ​ത്തി​ദി​ന​മാ​ക്കി​യ​ത്. സെ​​ക്ര​ട്ടേ​റി​യ​റ്റ്​ പ്ര​വ​ർ​ത്തി​ക്കു​ന്ന സാ​ഹ​ച​ര്യ​ത്തി​ൽ കാ​ന്‍റീ​ൻ, സെ​ക്ര​ട്ടേ​റി​യ​റ്റ്​​ കോ​ഫി ഹൗ​സ്​ എ​ന്നി​വ പ്ര​വ​ർ​ത്തി​ക്കു​മെ​ന്നും പൊ​തു​ഭ​ര​ണ​വ​കു​പ്പി​ന്‍റെ സ​ർ​ക്കു​ല​റി​ൽ പ​റ​യു​ന്നു.

സംസ്ഥാനത്തെ മുഴുവന്‍ ഗ്രാമ പഞ്ചായത്ത് ഓഫിസുകളും ഫയല്‍ തീര്‍പ്പാക്കല്‍ തീവ്ര യജ്ഞത്തിനായി ഇന്ന് പ്രവര്‍ത്തിക്കും. പഞ്ചായത്ത് ഡയറക്ടര്‍ ഓഫിസും ഡെപ്യൂട്ടി ഡയറക്ടര്‍ ഓഫിസുകളും അവധി ദിവസമായ ഇന്ന് പ്രവര്‍ത്തിക്കുമെന്ന് തദ്ദേശ മന്ത്രി എംവി ഗോവിന്ദന്‍ മാസ്റ്റര്‍ അറിയിച്ചു. ജീവനക്കാര്‍ ഓഫിസുകളില്‍ ഫയല്‍ തീര്‍പ്പാക്കലുമായി ബന്ധപ്പെട്ട പ്രവര്‍ത്തനങ്ങള്‍ ഇന്ന് നടത്തും. എന്നാല്‍ പൊതുജനങ്ങള്‍ക്ക് മറ്റ് സേവനങ്ങള്‍ ഇന്ന് ലഭ്യമാകില്ല. ഫയല്‍ തീര്‍പ്പാക്കലിനായി ജോലിക്ക് ഹാജരാകുന്ന എല്ലാ ജീവനക്കാരെയും മന്ത്രി അഭിനന്ദിച്ചു.

സ​ർ​ക്കാ​ർ ഓ​ഫി​സു​ക​ളി​ൽ കെ​ട്ടി​ക്കി​ട​ക്കു​ന്ന ഫ​യ​ലു​ക​ൾ സെ​പ്​​റ്റം​ബ​ർ 30 ന​കം തീ​ർ​പ്പാ​ക്ക​ണ​മെ​ന്ന്​ മു​ഖ്യ​മ​ന്ത്രി നേ​ര​ത്തേ നി​ർ​ദേ​ശി​ച്ചി​രു​ന്നു. മാ​സ​ത്തി​ലെ ഒ​രു​അ​വ​ധി ദി​വ​സം പ്ര​വൃ​ത്തി ദി​വ​സ​മാ​ക്കി ഫ​യ​ൽ തീ​ർ​പ്പാ​ക്ക​ണ​മെ​ന്നും ഫ​യ​ലു​ക​ൾ യാ​ന്ത്രി​ക​മാ​യി തീ​ർ​പ്പാ​ക്കു​ന്ന അ​വ​സ്ഥ​യു​ണ്ടാ​ക​രു​തെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി​യി​രു​ന്നു. നി​യ​മ​സ​ഭ സ​മ്മേ​ള​നം, ഓ​ണാ​വ​ധി എ​ന്നി​വ വ​രു​ന്ന​തി​നാ​ലാ​ണ്​ സെ​പ്​​റ്റം​ബ​ർ 30 എ​ന്ന തി​യ​തി നി​ശ്ച​യി​ച്ച​ത്.