ചിക്കാഗോ: ചിക്കാഗോ മാർ തോമാശ്ലീഹാ കത്തീഡ്രലിൽ വി. എവുപ്രസ്യാമ്മയുടെ തിരുനാൾ ആഘോഷിച്ചു. സെപ്റ്റംബർ 4ന് രാവിലെ 11.15ന് ചിക്കാഗോ രൂപതയുടെ മുൻ ചാൻസലറും, പാലാ രൂപതയുടെ വികാരി ജനറാളുമായ ഫാ. സെബാസ്റ്റ്യൻ വേന്താനത്തിന്റെ മുഖ്യകാർമികത്വത്തിൽ നടന്ന ആഘോഷമായ പാട്ടുകുർബാനക്ക് കത്തീഡ്രൽ വികാരിയും വികാരി ജനറാളുമായ ഫാ. തോമസ് കടുകപ്പിള്ളി സഹകാർമികനായിരുന്നു.
ഫാ. സെബാസ്റ്റ്യൻ വേന്താനത്ത് തന്റെ പ്രസംഗത്തിൽ എവുപ്രസ്യാമ്മയുടെ ലളിത ജീവിതത്തെക്കുറിച്ചും, അതിൽ ഇന്നിന്റെ പ്രസക്തിയെക്കുറിച്ചും വിശദികരിച്ചു. നമ്മുടെ ജീവിത യാത്ര, ജനനം എന്ന മുന്ന് അക്ഷരങ്ങളിൽ തുടങ്ങി മരണം എന്ന മുന്ന് അക്ഷരങ്ങളിൽ അവസാനിക്കുന്നു. ഈ ജീവിത യാത്രയെ നമ്മൾ എപ്രകാരം നയിക്കുന്നു എന്നതിനെ ആശ്രയിച്ചാണ് സ്വർഗ്ഗത്തിനും നരകത്തിനും നമ്മൾ അർഹരായിത്തീരുന്നത്. നമ്മുടെ ഈ യാത്രയിൽ വഴിവിളക്കായി ധാരാളം പുരുഷൻന്മാരെയും സ്ത്രീകളെയും സഭ വിശുദ്ധന്മാരായി നൽകിയിട്ടുണ്ട്.