കൊച്ചി: പാലക്കാട് വടക്കഞ്ചേരിയിലുണ്ടായ ബസ് അപകടത്തില് സ്കൂള് വിദ്യാര്ഥികളടക്കം ഒമ്പത് പേര് മരിച്ച സംഭവത്തില് ഹൈക്കോടതി സ്വമേധയാ കേസെടുത്തു. അപകടത്തെക്കുറിച്ച് പൊലീസും മോട്ടോര് വാഹന വകുപ്പും വിശദീകരണം നല്കണം.
ഇന്നു മുതല് ഒരു വാഹനത്തിലും ഫ്ളാഷ് ലൈറ്റുകളും നിരോധിത ഹോണുകളും പാടില്ല. അങ്ങനെയുള്ള വാഹനങ്ങള് പിടിച്ചെടുക്കണമെന്നും ഹൈക്കോടതി നിര്ദേശിച്ചു. കേസ് വീണ്ടും ഉച്ചയ്ക്ക് 1.45ന് പരിഗണിക്കും.
വടക്കഞ്ചേരിയില് അപകടമുണ്ടാക്കിയ ബസിന് ഫിറ്റ്നസ് സര്ട്ടിഫിക്കറ്റ് നല്കിയത് ആരാണെന്ന് കോടതി ചോദിച്ചു. ടൂറിസ്റ്റ് ബസുകളിലെ ഫ്ളാഷ് ലൈറ്റുകളും ഹോണുകളും ശബ്ദ സംവിധാനവും സംബന്ധിച്ച് നേരത്തെ നിര്ദേശം നല്കിയിട്ടുള്ളതാണ്. ഇതു ലംഘിച്ചെന്ന് വ്യക്തമാണെന്ന് കോടതി പറഞ്ഞു.
വാഹനം പരിശോധിച്ച് റിപ്പോര്ട്ട് സമര്പ്പിക്കാന് കോടതി പൊലീസിനോടും മോട്ടര് വാഹന വകുപ്പ് ഉദ്യോഗസ്ഥരോടും ആവശ്യപ്പെട്ടു. ജസ്റ്റിസ് അനില് കെ.നരേന്ദ്രന്, ജസ്റ്റിസ് പി.ജി.അജിത് കുമാര് എന്നിവരുടെ ഡിവിഷന് ബെഞ്ചിന്റേതാണ് നടപടി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26