മെല്‍ബണ്‍: ഓസ്‌ട്രേലിയയിലെ സിറോ മലബാര്‍ യുവജന ദേശീയ സമ്മേളനം മെല്‍ബണില്‍ ഡിസംബര്‍ രണ്ടു മുതല്‍ അഞ്ചു വരെ നടക്കും. മെല്‍ബണിലെ ഫിലപ്പ് ഐലന്‍ഡ് അഡ്വഞ്ചര്‍ റിസോര്‍ട്ടാണ് സിറോ മലബാര്‍ സഭയുടെ ഓസ്‌ട്രേലിയയിലെ ഏറ്റവും വലിയ പരിപാടിക്ക് വേദിയാകുന്നത്.
ആര്‍ച്ച് ബിഷപ്പ് പീറ്റര്‍ ആന്‍ഡ്രൂ കോമെന്‍സോലി, മാര്‍ ബോസ്‌കോ പുത്തൂര്‍
മെല്‍ബണ്‍ ആര്‍ച്ച് ബിഷപ്പ് പീറ്റര്‍ ആന്‍ഡ്രൂ കോമെന്‍സോലി സമ്മേളനം ഉദ്ഘാടനം ചെയ്യും. മെല്‍ബണ്‍ സെന്റ് തോമസ് സിറോ മലബാര്‍ രൂപതാദ്ധ്യക്ഷന്‍ മാര്‍ ബോസ്‌കോ പുത്തൂര്‍ പ്രഭാഷണം നടത്തും. സിറോ മലബാര്‍ സഭയുടെ യൂറോപ്യന്‍ യൂത്ത് കോഓര്‍ഡിനേറ്റര്‍ ഫാദര്‍ ബിനോജ് മുളവരിക്കല്‍, അമേരിക്കയില്‍നിന്നുള്ള സിറോ മലബാര്‍ യുവ വൈദികന്‍ ഫാ. കെവിന്‍ മുണ്ടയ്ക്കല്‍ ഉള്‍പ്പെടെ നിരവധി പ്രമുഖര്‍ പരിപാടിയില്‍ പങ്കെടുക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26