നൈജീരിയയിൽ 5 വയസുകാരന്റെ തലവെട്ടി, 33 പേർ കൊല്ലപ്പെട്ടു; പ്രതിഷേധം ശക്തമാകുന്നു

കടുന: നൈജീരിയയിൽ ക്രിസ്തീയ സമൂഹം അനുഭവിക്കുന്ന കൊടിയ പീഡനങ്ങളെക്കുറിച്ചുള്ള വാർത്തകൾ അനുദിനം പുറത്തുവരുന്നു. ഏപ്രിൽ 15 ന് നടന്ന കൊലപാതകത്തിൽ അഞ്ച് വയസുകാരനെ തലവെട്ടി കൊലപ്പെടുത്തിയെന്ന ഞടുക്കുന്ന വാർത്തകളാണ് പുറത്തുവരുന്നത്. 33 പേർ അന്ന് കൊല്ലപ്പെട്ടിരുന്നു. അതിൽ ഭൂരിഭാ​ഗവും കുട്ടികളാണ്. കൊല്ലപ്പെട്ട എല്ലാവരെയും ഒരു സ്ഥലത്താണ് അടക്കം ചെയ്തത് എന്ന റിപ്പോർട്ടുകളും പുറത്തുവരുന്നുണ്ട്.

നൈജീരിയയിലെ തെക്കൻ കടുനയിൽ ഇസ്ലാമിസ്റ്റുകൾ നടത്തിയ ആക്രമണത്തിനെതിരെ ലോകമാകെ പ്രതിഷേധം ശക്തമാകുന്നു. ഏപ്രിൽ 15-ന് കൊല്ലപ്പെട്ട 33 പേരിൽ14 പേരും കുട്ടികളാണ്. നിരപരാധികളായ സാധാരണക്കാരെ കൊല്ലുന്നത് അവസാനിപ്പിക്കാൻ നൈജീരിയൻ സർക്കാർ ഇടപെടണമെന്ന് ക്രിസ്ത്യൻ സോളിഡാരിറ്റി വേൾഡ് വൈഡ് ആവശ്യപ്പെട്ടു.

നൈജീരിയക്കാർക്ക് നേരെ ആക്രമണം തുടരുന്നത് ഖേദകരമാണ്, നൈജീരിയയിലെ നിരപരാധികൾ പറഞ്ഞറിയിക്കാനാകാത്ത വിധം ദുഖം അനുഭവിക്കുന്നു. അവരെ സംരക്ഷിക്കുന്നതിനോ സഹായിക്കുന്നതിനോ അന്താരാഷ്ട്ര സമൂഹം വളരെ കുറച്ച് മാത്രമേ ചെയ്യുന്നുള്ളൂവെന്ന് പ്രസ് ആൻഡ് പബ്ലിക് അഫയേഴ്‌സ് ടീം ലീഡർ കിരി കാങ്ക്‌വെൻഡെ പറഞ്ഞു.

നൈജീരിയയുടെ പ്രാദേശിക പ്രദേശത്ത് പല അരക്ഷിതാവസ്ഥയും നിലനിൽക്കുന്നു. ഇത് ഗുരുതരമായ പ്രത്യാഘാതങ്ങൾ പ്രദേശത്ത് ഉണ്ടാക്കുന്നു, പൗരന്മാരോടുള്ള കടമ നിറവേറ്റുന്നതിൽ പരാജയപ്പെടുന്നത് തുടരുകയാണെങ്കിൽ ഫെഡറൽ, സംസ്ഥാന ഗവൺമെന്റുകളെ കണക്കിലെടുത്ത് സാധ്യമാകുന്നതെല്ലാം ചെയ്യാൻ അന്താരാഷ്ട്ര സമൂഹം സഹായിക്കണമെന്നും കിരി കാങ്ക്‌വെൻഡെ പറഞ്ഞു.

അതേ സമയം റൂൺജി ഗ്രാമത്തിലുണ്ടായ ആക്രമണത്തിൽ കൊല്ലപ്പെട്ട 33 പേരെയും ഒരു കുഴിയിൽ അടക്കം ചെയ്തതായി റിപ്പോർട്ടുണ്ട്. തീവ്രവാദികൾ ഏപ്രിൽ 15-ന് ഇടയ്ക്കിടെ വെടിവയ്ക്കുകയും ഏകദേശം 40 വീടുകൾക്ക് തീയിടുകയും ചെയ്തിരുന്നു.

സൈനികരും പ്രാദേശിക വിജിലൻസും ഏറ്റുമുട്ടിയപ്പോൾ ചില ഭീകരർക്ക് ജീവൻ നഷ്ടപ്പെട്ടതായും പറയപ്പെടുന്നു. മാർച്ച് 11 ന് വൈകുന്നേരം ഉങ്‌വാൻ വക്കിലിയിലും നടന്ന ആക്രമണത്തിൽ 17 പേർക്ക് ജീവൻ നഷ്ടമായി. അവരിൽ ഭൂരിഭാഗവും സ്ത്രീകളും കുട്ടികളുമായിരുന്നു.

നിരപരാധികളായ പൗരന്മാർക്ക് നേരെയുള്ള ആക്രമണത്തിൽ വിലപിക്കുന്ന നൈജീരിയൻ ​ഗവൺമെന്റ് ഇടപെടണം, ഇത് അവസാനിപ്പിക്കാൻ നിയമ നിർവ്വഹണ ഏജൻസികൾ ഗൗരവമായ നടപടി സ്വീകരിക്കണമെന്ന് ക്രിസ്ത്യൻ സോളിഡാരിറ്റി വേൾഡ് വൈഡ് പ്രിതിനിധികൾ ആവശ്യപ്പെട്ടു.

ഏപ്രിൽ 12 ന് നടന്ന മറ്റൊരു ആക്രമണത്തിൽ, പ്രദേശത്തെ തൻജെയ് ഗ്രാമത്തിൽ നടന്ന ആക്രമണത്തിൽ ഒമ്പത് പേർ കൊല്ലപ്പെടുകയും നാല് പേർക്ക് പരിക്കേൽക്കുകയും അഞ്ച് വീടുകൾക്ക് കേടുപാടുകൾ സംഭവിക്കുകയും ചെയ്തു.